انگليادا پاراجۇزۋدەن الەم چەمپيوناتى ءوتىپ جاتىر. قازاقستان نامىسىن قورعاۋعا اتتانعان نۇرداۋلەت جۇماعالي كۇمىس جۇلدەگە يە بولىپ، جەڭىس تۇعىرىنان كورىندى، دەپ حابارلايدى Almaty-akshamy.kz.
قازاقستاندىق پاراسپورتشى چەمپيوناتتىڭ فينالىندا براسس ادىسىمەن جۇزۋدەن 100 م قاشىقتىقتى 1:05.16 ۋاقىتتا باعىندىردى. بەلگىلەنگەن مەجەنى ءبىرىنشى بولىپ نەمىس سپورتشىسى ەنگەل تاليسو 1:03.26 ۋاقىتىمەن باعىندىرسا، ءۇشىنشى بولىپ اقش سپورتشىسى داۆيد ابراحامس 1:05.55 ۋاقىتىمەن اياقتادى.
31 شىلدەدە باستالعان پاراجۇزۋدەن الەم چەمپيوناتى 6 تامىزعا دەيىن انگليانىڭ مانچەستەر قالاسىندا وتەدى.
جارىسقا 67 مەملەكەتتەن 600-دەن استام سپورتشى قاتىسىپ جاتىر. قازاقستان ساپىنان نۇرداۋلەت جۇماعالي، سيازبەك دالييەۆ، اندرەي افاناسيەۆ، ناتاليا زۆياگينسيەۆا جانە رومان پوتاپوۆ باقتارىن سىناۋعا اتتاندى.