25 اقپان كۇنى ساعات 02:49-دا الماتى وبلىسىنىڭ توتەنشە جاعدايلار دەپارتامەنتىنە رايىمبەك اۋىلدىق وكرۋگىندەگى ساياجاي قوعامداستىعىنىڭ تۇرعىن ۇيىندە ءورت شىققانى تۋرالى حابارلاما ءتۇستى. وقيعا ورنىندا قۇتقارۋشىلار ءۇي يەسىنىڭ دەنەسىن تاپتى.
توتەنشە جاعدايلار مينيسترلىگى باسپا ءسوز قىزمەتىنىڭ مالىمەتىنشە، ءورت سالدارىنان 68 شارشى مەتر اۋماق بولاتىن توبە وپىرىلعان.
"ساعات 04:00-دە ءورت لوكاليزاسيالانىپ، 05:03-تە ءسوندىرىلدى. ءورت ورنىنان ءۇي يەسىنىڭ ءمايىتى تابىلدى"، - دەلىنگەن توتەنشە جاعدايلار مينيسترلىگىنىڭ حابارلاماسىندا.
مامانداردىڭ الدىن الا باعالاۋى بويىنشا، ءورت ەلەكتر توعىنىڭ قىسقا تۇيىقتالۋىنان شىققان. ءورتتى سوندىرۋگە 20 قىزمەتكەر مەن 6 توتەنشە جاعداي قىزمەتى، پوليسيا جانە جەدەل جاردەم تەحنيكاسى جۇمىلدىرىلدى.