ق ر پرەمەر-مينيسترىنىڭ ءبىرىنشى ورىنباسارى رومان سكليار اباي وبلىسىنداعى تابيعي ءورتتى ءسوندىرۋ جونىندەگى تجم احۋالدىق ورتالىعىنىڭ بازاسىندا جەدەل رەسپۋبليكالىق شتاب وتىرىسىن وتكىزدى.
وتىرىس بارىسىندا وقيعا ورنىنان وبلىس اكىمى نۇرلان ۇرانحايەۆ پەن توتەنشە جاعدايلار ۆيسە-مينيسترى گەنەرال-مايور مارات كۇلدىكوۆ بايانداما جاسادى، دەپ حابارلايدى Almaty-akshamy.kz.
Zakon.kz اقپاراتىنا سايكەس، 9 ماۋسىم كۇنى ساعات 16.00-دەگى جاعداي بويىنشا ءورتتى سوندىرۋگە جەكە قۇرامنان 662 ادام جانە 177 تەحنيكا، 6 تىكۇشاق جۇمىلدىرىلعان.
اۆياسيالىق تەحنيكامەن ءورتتى ءسوندىرۋ ءۇشىن 80 رەت جالپى كولەمى 192 توننا سۋ شاشىلدى.
قازىرگى ۋاقىتتا ورمان شارۋاشىلىقتارىنىڭ 14 قىزمەتكەرىمەن بايلانىس ۇزىلگەن. ولاردى ىزدەۋ شارالارى جۇرگىزىلۋدە.
قالىپتاسقان جاعدايدى ەسكەرە وتىرىپ، استانا قالاسى جانە قاراعاندى وبلىسىنىڭ توتەنشە جاعدايلار دەپارتامەنتتەرىنەن 133 ادام جانە 48 تەحنيكا، سونداي-اق قوسىمشا 4 تىكۇشاق جىبەرۋ تۋرالى شەشىم قابىلداندى.