13 مىڭعا جۋىق قىزمەتكەرگە قوسىمشا اقى تاعايىندالاتىن بولادى.
جالاقى مولشەرى لاۋازىمى مەن ەڭبەك وتىلىنە قاراي 101-دەن 320 مىڭ تەڭگەگە دەيىنگى مولشەردە بولماق، دەپ حابارلايدى Almaty-akshamy.kz
ەلىمىزدە ورمان جانە تابيعات قورعاۋ مەكەمەلەرى قىزمەتكەرلەرىنىڭ جالاقىسى وسەدى.
ورمان شارۋاشىلىعى جانە جانۋارلار دۇنيەسى كوميتەتىنىڭ مالىمەتىنشە، بۇگىندە ورمان شارۋاشىلىعى قىزمەتكەرلەرىنىڭ جالاقىسى رەسپۋبليكا بويىنشا تومەن اقىلاردىڭ ءبىرى بولىپ سانالادى. بۇل ماسەلە مامانداردىڭ سالادان كەتۋىنە اكەپ سوقتى.
قوستاناي وبلىسىنداعى بولعان قايعىلى وقيعا پرەمەر-مينيستردىڭ نازارىن ورمان جانە تابيعات قورعاۋ مەكەمەلەرى قىزمەتكەرلەرىنىڭ جالاقىسىن ارتتىرۋ قاجەتتىگىنە اۋداردى.
ەڭبەك جانە حالىقتى الەۋمەتتىك قورعاۋ مينيسترلىگى قىزمەتكەرلەردىڭ ايلىقتارىنا قوسىلاتىن ۇستەماقى مولشەرىن ارتتىرا وتىرىپ جالاقى كوتەرۋ ماسەلەسىن قولدادى.
وسىعان وراي، مينيسترلىك «ازاماتتىق قىزمەتشىلەرگە، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» قازاقستان رەسپۋبليكاسى ۇكىمەتىنىڭ 2015 جىلعى 31 جەلتوقسانداعى № 1193 قاۋلىسىنا تۇزەتۋلەر ازىرلەدى جانە ءتيىستى ەسەپتەۋلەر جۇرگىزدى.
ورمان جانە تابيعات قورعاۋ مەكەمەلەرى قىزمەتكەرلەرىنىڭ جالاقىسىن ۇلعايتۋ ماسەلەسى 2023 جىلعى 28 اقپاندا رەسپۋبليكالىق بيۋدجەت كوميسسياسىنىڭ وتىرىسىندا قارالىپ، قولداۋ تاپتى، وسىعان بايلانىستى قرۇك ازىرلەنگەن جوباسى مۇددەلى مەملەكەتتىك ورگاندارمەن كەلىسىمدەۋدەن وتكەننەن كەيىن ۇكىمەت اپپاراتىنا جىبەرىلەتىن بولادى.
اتالعان جوبا قابىلداعاننان كەيىن 12876 قىزمەتكەردىڭ دەنساۋلىعى مەن ومىرىنە زيان كەلتىرۋ قاۋپىمەن بايلانىستى قوسىمشا اقى تاعايىندالاتىن بولادى.
جوبانى قابىلداۋ، دەنساۋلىعى مەن ومىرىنە زيان كەلتىرۋ قاۋپىمەن بايلانىستى جۇمىسى ءۇشىن 12 876 قىزمەتكەرگە قوسىمشا اقى تاعايىندالاتىن بولادى.
ورمان جانە بالىق شارۋاشىلىعى قىزمەتكەرلەرىنىڭ جالاقىسى رەسپۋبليكاداعى ەڭ تومەنگى دەڭگەيدە قالاتىنىن ەسكەرە وتىرىپ، ولاردى الەۋمەتتىك قورعاۋ ماقساتىندا 2023 جىلدان باستاپ جالاقىسىنا 100% مولشەردە دەنساۋلىعى مەن ومىرىنە زيان كەلتىرۋ قاۋپىمەن بايلانىستى جۇمىسى ءۇشىن قوسىمشا اقى بەلگىلەۋ ۇسىنىلدى.