تجم ءمينيسترى يۋريي يلين ورمان ءورتىنىڭ الدىن الاتىن اقىلدى جۇيەلەر ورناتۋ قاجەت دەيدى.
بۇل جاڭاشىلدىق بۇگىندە «بۋراباي» ۇلتتىق پاركىنىڭ اۋماعىندا ەنگىزىلدى، دەپ حابارلايدى Almaty-akshamy.kz
يۋريي يلين سولتۇستىك قازاقستانعا جۇمىس ساپارى بارىسىندا تۇرعىندارمەن كەزدەسىپ، بۇقارالىق اقپارات قۇرالدارى وكىلدەرىنىڭ سۇراقتارىنا جاۋاپ بەردى. بۇگىندە اسىرەسە اباي وبلىسىنداعى قىزىل جالىندى اۋىزدىقتاۋ وڭاي بولماي تۇر. وت بىرنەشە مىڭ گەكتارعا جايىلعان. سالدارىنان ءۇش بىردەي اۋىلدىڭ تۇرعىندارى ءقاۋىپسىز جەرگە كوشىرىلدى.
«اباي وبلىسىندا ءورت بولىپ جاتقان ايماققا ەكولوگيا مينيسترلىگىنىڭ ورمان شارۋاشىلىعى كوميتەتى جاۋاپتى. العاشىندا قىزىل جالىننىڭ اۋماعى ءۇش گەكتار بولسا، ارتىنشا كۇرت وسكەن. سوندىقتان ءبىز ارنايى شەشىم قابىلداپ، وندا شىعىس قازاقستان، قاراعاندى، قىزىلوردا وبلىستارىمەن قاتار استانا مەن الماتى قالالارىنان قوسىمشا كۇش قۇرىلىمدارىن جىبەردىك»، - دەيدى ق ر توتەنشە جاعدايلار ءمينيسترى يۋريي يلين.