10 شىلدە كۇنى فۋتبولدان پرەمەر-ليگا كوماندالارى اراسىنداعى ەل بىرىنشىلىگىندە شىمكەنتتىك «ورداباسى» سەگىزىنشى ويىن قاتارىنان جەڭىسكە جەتتى.
شىمكەنت كلۋبى 17-تۋردىڭ الدىن الا وتكىزىلگەن ويىنىندا كوكشەتاۋلىق «وقجەتپەسپەن» كەزدەستى، دەپ حابارلايدى Almaty-akshamy.kz قازاقپاراتقا سىلتەمە جاساپ.
تۋرنير كەستەسىندە ەكىنشى ورىندا كەلە جاتقان «ورداباسى» بۇل كەزدەسۋدە دە جيناقى قيمىل كورسەتتى. ناتيجەسىندە قارسىلاستار قاقپاسىنا جاۋاپسىز ءتورت گول سوقتى.
ويىن بارىسىندا بوبىر ابدۋحوليكوۆ –14، ۆسيەۆولود سادوۆسكيي 36-مينۋتتا كوزدەگەن نىسانادان ءمۇلت كەتكەن جوق.
ال اسحات تاعىبەرگەن – 64، باۋىرجان يسلامحان 86-مينۋتتا پەنالتيدى مۇلتىكسىز ورىندادى.
وسىلايشا شىمكەنتتىك كلۋب قارسىلاسىن 4:0 ەسەبىمەن تىزە بۇكتىردى.
اتالعان جەڭىسىنەن كەيىن «ورداباسى» تۋرنير كەستەسىندە 38 ۇپايمەن ءبىرىنشى ورىنعا كوتەرىلدى. ءدال سونداي ۇپاي جيناعان «استانا» ەكىنشى ورىنعا ىعىستى.
ەندى 15 جانە 16 شىلدە كۇندەرى 15-تۋر ويىندارى وتكىزىلەدى.
ەسكە سالساق، فۋتبولدان قازاقستان كۋبوگىندا «ورداباسى» مەن «توبىل» كەزدەسەدى.