وقۋشى پارول لوگينىمەن قايتا كىرسە، 13 سۇراق بەلگىلەنگەن
تۇركىستان وبلىسىندا مەملەكەتتىك اتتەستاتتاۋ بارىسىندا زاڭ بۇزۋشىلىققا جول بەرگەن مەكتەپ ديرەكتورى سوگىس الدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وقيعا كەلەس اۋدانىندا بولعان. №43 «بولاشاق» جالپى ورتا مەكتەبىندە وتكەن مەملەكەتتىك اتتەستاتتاۋ بارىسىندا ۇستازدار زاڭ بۇزۋشىلىقتارعا جول بەرگەن.
تۇركىستان وبلىسىنىڭ ءبىلىم سالاسىنداعى ساپانى قامتاماسىز ەتۋ دەپارتامەنتىنىڭ قىزمەتكەرلەرى اجەتحاناعا سۇرانىپ شىققان وقۋشىنىڭ تاپسىرمالارى كومپيۋتەردى قاشىقتان باسقارۋ ارقىلى ورىندالعانىن انىقتادى.
«ۆيدەودا 13ء-شى سۇراق بەلگىلەنبەگەن قالپىندا تۇر جانە قىزىل بەلگىنى كورسەتىپ تۇر. وقۋشى پارول لوگينىمەن قايتا كىرسە 13 سۇراق بەلگىلەنگەن. پەداگوگتەر قاۋىمىن ادىلدىككە، ادالدىققا شاقىرامىز. بولاشاق ۇرپاقتى ادال ءبىلىم مەن تاربيەگە باۋلۋعا، وقۋشىلاردىڭ بويىنا جامان ادەتتەردى سىڭىرمەۋگە، وڭاي جولمەن باعا الۋدى ۇيرەتپەۋگە شاقىرامىز»، - دەيدى تۇركىستان وبلىسىنىڭ ءبىلىم سالاسىنداعى ساپانى قامتاماسىز ەتۋ دەپارتامەنتىنىڭ باسشىسى عالىمجان الماتوۆ.
اتالعان وقيعا بويىنشا مەكتەپ ديرەكتورىنا سوگىس تۇرىندەگى تارتىپتىك جازا قولدانىلدى.