وقۋ-اعارتۋ مينيسترلىگى وقۋشىلاردى EGov پورتالى ارقىلى مەكتەپتەن مەكتەپكە قالاي اۋىستىرۋعا بولاتىنى جايىندا نۇسقاۋلىق جاريالادى، دەپ حابارلايدى aqshamnews.kz
بۇل قىزمەت ەسەپتەن شىعارۋ جانە بەكىتۋ تالوندارىن، سونداي-اق جەكە ءىس قۇجاتتارىن تاپسىرۋدى تالاپ ەتپەيدى
اتا-انالار مەن زاڭدى وكىلدەر بالانى ءبىر مەكتەپتەن ەكىنشى مەكتەپكە اۋىستىرۋدى eGov.kz پورتالى ارقىلى جۇزەگە اسىرا الادى. وندا تۇرعىلىقتى جەرى بويىنشا نەمەسە ودان تىس كەز كەلگەن ءبىلىم بەرۋ ۇيىمىن تاڭداپ، ءوتىنىشتى ەلەكتروندى تۇردە بەرۋگە مۇمكىندىك بار.
"بۇل قىزمەت ەسەپتەن شىعارۋ جانە بەكىتۋ تالوندارىن، سونداي-اق جەكە ءىس قۇجاتتارىن تاپسىرۋدى تالاپ ەتپەيدى. ءوتىنىش بەرۋشى وقۋ ءتىلىن تاڭداپ، قاجەت بولسا، ءوتىنىشىن قايتارىپ الا الادى"، - دەپ جازىلعان حابارلامادا.
بۇل قىزمەتتى قولدانۋ ءۇشىن مىنا ارەكەتتەردى ورىنداۋ كەرەك:
eGov.kz پورتالىندا تىركەلۋ؛
"ءبىلىم" → "ورتا ءبىلىم" بولىمىندە "بالالاردى مەكتەپتەن مەكتەپكە اۋىستىرۋ" قىزمەتىن تاڭداۋ؛
ءوتىنىشتى تولتىرىپ، ەسق كومەگىمەن قول قويۋ؛
ناتيجەمەن جەكە كابينەتتە تانىسۋ كەرەك.