ق ر ىشكى ىستەر مينيسترلىگى قىزىلوردادا 16 جاسار وقۋشىنى جەزوكشەلىككە ماجبۇرلەۋ تۋرالى قىلمىستىق ءىستى تەرگەۋ بارىسىن ءتۇسىندىردى
ق ر ىشكى ىستەر مينيسترلىگى قىزىلوردا وبلىسى پوليسيا دەپارتامەنتىنىڭ تەرگەۋ باسقارماسى 16 جاسار كامەلەتكە تولماعاندى جەزوكشەلىكپەن اينالىسۋعا ماجبۇرلەۋ فاكتىسى بويىنشا قىلمىستىق كودەكستىڭ 134-بابىنىڭ 3-بولىگى بويىنشا تەرگەۋ جۇرگىزىپ جاتقانىن حابارلادى.
سونىمەن قاتار، وسى قىلمىستىق ءىس شەڭبەرىندە بىرنەشە باپ بويىنشا تەرگەۋ جۇرگىزىلۋدە، ونىڭ ىشىندە:
- جەزوكشەلىكپەن اينالىسۋعا ارنالعان پريتون ۇيىمداستىرۋ جانە جەڭگەتايلىق (309-بابى 2-بولىگى)؛
- بوپسالاۋ (194-بابى 2-بولىگى)؛
- ەسىرتكى قۇرالدارىن، پسيحوتروپتىق زاتتاردى، ولاردىڭ انالوگتارىن قولدانۋعا كوندىرۋ (299-بابى 3-بولىگى)؛
- ازاپتاۋ (110-بابى 1-بولىگى)؛
- كامەلەتكە تولماعان بالانى تاربيەلەۋ جونىندەگى مىندەتتەردى ورىنداماۋ (140-بابى 1-بولىگى).
وسى فاكتىلەر بويىنشا سەگىز كۇدىكتىگە قاتىستى سوت «قاماۋدا ۇستاۋ» تۇرىندەگى بۇلتارتپاۋ شاراسىن تاڭدادى، ال ءبىر كۇدىكتى ءۇيقاماققا الىندى.
بۇدان باسقا، وسى وقيعاعا بايلانىستى جۇرگىزىلگەن قىزمەتتىك تەرگەۋ ناتيجەسىندە قىزىلوردا وبلىسى پد-نىڭ ءبىرقاتار قىزمەتكەرلەرى قاتاڭ تارتىپتىك جاۋاپكەرشىلىككە تارتىلدى.