الماتىدا اباي داڭعىلىندا 1991 جىلدان بەرى پايدالانىلىپ كەلە جاتقان قۇبىر اۋىستىرىلدى، دەپ حابارلايدى aqshamnews.kz
2024 جىلى تامىزدىڭ باسىندا الماتىنىڭ اۋەزوۆ اۋدانىندا اباي داڭعىلىمەن ساين كوشەسىنەن باتىس باعىتتا 1991 جىلدان بەرى پايدالانىلىپ كەلە جاتقان قۇبىر اۋىستىرىلدى. جاڭارعان اۋماقتىڭ ۇزىندىعى 1838 مەتر.
بۇل قۇبىر 406 كوپپاتەرلى تۇرعىن ءۇيدى، 105 جەكە تۇرعىن ءۇيدى، 4 بالاباقشانى، 1 دەنساۋلىق ساقتاۋ نىسانىن جانە 6 وزگە دە نىساندى جىلۋمەن جانە ىستىق سۋمەن قامتاماسىز ەتەدى. رەكونسترۋكسيا كەزىندە كورسەتىلگەن اۋماقتاعى تۇتىنۋشىلارعا ىستىق سۋ بەرۋ توقتاتىلعان جوق.
بارلىق جۇمىس مەرزىمىندە اياقتالدى، اتالعان ۋچاسكەدەگى اۆتوكولىك قوزعالىسى قالپىنا كەلتىرىلدى.
جالپى، قالادا بيىل 20 كم جىلۋ جەلىلەرىن قايتا جاڭارتۋ جوسپارلانىپ وتىر. الماتىنىڭ 6 اۋدانىندا جىلۋارالىق كەزەڭگە جوسپارلانعان قايتا جاڭارتۋ بەكىتىلگەن كەستەگە سايكەس جۇرگىزىلەدى. ونىڭ نەگىزگى بولىگى اياقتالىپ كەلەدى.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق 2GIS پەن «ياندەكس كارتالار» سەرۆيستەرىندە جازىلعان.