ۇلتتىق قۇراما قورجىنى تاعى دا مەدالدارمەن تولىقتى
فيزيكادان حالىقارالىق وليمپيادادا قازاقستاندىق وقۋشىلار 1 التىن جانە 4 كۇمىس مەدال جەڭىپ الدى. بۇل تۋرالى وقۋ-اعارتۋ ءمينيسترى اسحات ايماعامبەتوۆ تەلەگرامم جەلىسىندە جازدى، دەپ حابارلايدى Almaty-akshamy.kz.
فيزيكادان حالىقارالىق وليمپيادادا (IPhO) شۆەيساريانىڭ سيۋريح قالاسىندا 10-15 شىلدە ارالىعىندا ءوتتى. ءبىلىم سايىسىندا قازاقستاندىق وقۋشىلار 1 التىن جانە 4 كۇمىس مەدال جەڭىپ الدى.
«ەلىمىزدىڭ نامىسىن 5 وقۋشى قورعادى. ولار 75 ەلدەن كەلگەن 368 جاسوسپىرىممەن سىنعا ءتۇستى. بالالارىمىز وتكەن جىلى 5 كۇمىسكە يە بولعان ەدى. وسىلايشا بيىل وقۋشىلارىمىز بىلتىرعى كورسەتكىشتى جاقسارتا الدى. ۇلتتىق قۇراما قورجىنىنا دانييل شاتوحين التىن جانە كۇمىس مەدالدى ەرسۇلتان پىتەباي، ۆلاديمير ليم، دىنمۇحاممەد راحىمجانوۆ جانە ريزابەك الپامىس اكەلدى»، - دەلىنگەن جازبادا.