وقۋشىلاردىڭ دەمالىسىنا ءبىلىم باسقارمالارى جاۋاپتى

وقۋ-اعارتۋ ءمينيسترى عاني بەيسەمبايەۆ وسىلاي دەپ مالىمدەدى.

بالالاردىڭ جازعى دەمالىسىن ۇيىمداستىرۋعا ءبىلىم باسقارمالارىنىڭ باسشىلارى جاۋاپتى بولادى، دەپ حابارلايدى Almaty-akshamy.kz

بۇگىن وقۋ-اعارتۋ مينيسترلىگىنىڭ اپپاراتتىق كەڭەسىندە وڭىرلىك ءبىلىم باسقارمالارى، ۆەدومستۆولىق باعىنىستى ۇيىمدار جانە ادىستەمەلىك كابينەت باسشىلارىنىڭ قاتىسۋىمەن "جاز-2024" بالالاردىڭ ساۋىقتىرۋ دەمالىسىن، بوس ۋاقىتىن جانە جۇمىسپەن قامتىلۋىن ۇيىمداستىرۋ ماسەلەلەرى تالقىلاندى.

وقۋ-اعارتۋ مينيسترلىگى ءىىم، دسم، تجم، مام، تسم، عجبم، ەحاقم جانە ەترم-مەن بىرلەسىپ زاڭنامالىق نورمالاردى، باعدارلامالاردى، سونداي-اق مونيتورينگ پەن باقىلاۋدى قامتيتىن ءىس-شارالار جوسپارىن قابىلدادى. بيىل ءبىرىنشى رەت لاگەرلەر ءۇشىن ءبىرىڭعاي تالاپتار ازىرلەندى، قوسىمشا ءبىلىم بەرۋ سالاسىنداعى ەرىكتىلەر مەن پەداگوگتەر جۇمىسقا تارتىلدى، لاگەرلەردى قابىلداۋ مەن نۇسقاما وتكىزۋدىڭ رەسپۋبليكالىق مونيتورينگى قۇرىلدى. سونداي-اق ۋاكىلەتتى مەملەكەتتىك ورگاندارى بەكىتكەن بالالاردى ساۋىقتىرۋ ورتالىقتارىنىڭ ءتىزىلىمى جولداندى. 

"بالالاردىڭ قاۋىپسىزدىگىن باستى نازارعا الا وتىرىپ،  جازعى دەمالىستى وتكىزۋ مادەنيەتىن قالىپتاستىرۋ قاجەت. سوندىقتان ارىپتەستەر، بالالاردى قورعاۋ شارالارىن قاتاڭ باقىلاۋعا الىپ، جۇمىستى كۇشەيتۋ كەرەك. سىزدەرگە ءتيىستى ادىستەمەلىك قۇرالدار مەن الگوريتمدەر جولداندى. بالالاردىڭ جازعى دەمالىسىن ۇيىمداستىرۋدا ءبىلىم باسقارمالارىنىڭ باسشىلارىنا جەكە جاۋاپكەرشىلىك جۇكتەيمىن"، - دەپ اتاپ ءوتتى وقۋ-اعارتۋ ءمينيسترى عاني بەيسەمبايەۆ.

بيىلعى جازدا بارلىعى 3،1 ملن بالانى، ياعني وقۋشىلاردىڭ 88،2%-ىن دەمالىسپەن قامتۋ جوسپارلانۋدا. ولار ءۇشىن 10 630 دەمالىس ورتالىعى ازىرلەندى.