وقۋشىلار «ۇلى دالا مۇراگەرلەرى» دومبىراشىلار فلەشموبىنا قاتىستى

جاس دومبىراشىلار اتى اڭىزعا اينالعان كۇيلەردى ورىندادى

ق ر تۇڭعىش پرەزيدەنتى كۇنىنە وراي پاۆلودار قالاسىنداعى حيميا-بيولوگيا باعىتىنداعى نازاربايەۆ زياتكەرلىك مەكتەبىندە جاس دومبىراشىلاردىڭ ورىنداۋىندا اتى اڭىزعا اينالعان كۇيلەر تارتىلدى، دەپ حابارلايدى Almaty-akshamy.kz Egemen.kz-كە سىلتەمە جاساپ.

قۇرمانعازىنىڭ كۇيى «بالبىراۋىن»، ن.تىلەندييەۆتىڭ «ءالقيسسا» كۇيى، حالىق ءانى «ەلىم-اي» جانە قىرعىزدىڭ كۇيى «ماش بوتوي» شىعارماسىن پاۆلودارداعى نازاربايەۆ زياتكەرلىك مەكتەبىنىڭ 65 وقۋشىسى ورىندادى.
«ۇلى دالا مۇراگەرلەرى» اتتى ءداستۇرلى دومبىراشىلار فلەشموبىندا دومبىرامەن قاتار قازاقتىڭ شاڭقوبىزى، داۋىلپاز، دابىل، قوبىز سياقتى ۇلتتىق اسپاپتارى قولدانىلدى.
اۋقىمدى شارانىڭ ماقساتى - ۇلت كوشباسشىسى ن.ءا.نازاربايەۆتىڭ جۇرگىزىپ وتىرعان ساياساتىنا قولداۋ ءبىلدىرۋ. ۇلتتىق اسپاپ دومبىرا مەن ونەرىمىزدى كۇي ارقىلى ناسيحاتتاۋ. پاتريوتتىق شارا زياتكەرلەردىڭ بويىنا وتانسۇيگىشتىك قاسيەتتى سىڭىرۋگە ماقساتتالعان.
شارانىڭ ەرەكشەلىگى - ءبىر ساتتە الپىستان اسا پاۆلودارلىق زياتكەر قازاقتىڭ 4 كۇيىن ورىندادى. ايتا كەتەرلىگى، «ۇلى دالا مۇراگەرلەرى» اتتى دومبىراشىلار پاتريوتتىق اكسياسى داستۇرگە اينالعان. جىل سايىن ق ر تۇڭعىش پرەزيدەنتى كۇنى قارساڭىندا نازاربايەۆ زياتكەرلىك مەكتەپتەرىنىڭ بارلىق فيليالدارىندا ءبىز مەزگىلدە وتكىزىلەدى. بيىلعى جىلى ءداستۇرلى اكسياعا قازاقستان بويىنشا 1000-عا جۋىق زياتكەرلىك مەكتەپ وقۋشىلارى قاتىستى.