ق ر وقۋ-اعارتۋ مينيسترلىگىنىڭ «وركەن» بالالاردىڭ ءال-اۋقاتى ۇلتتىق عىلىمي-پراكتيكالىق ينستيتۋتى «دوسبولLIKE» انتيبۋللينگتىك باعدارلاماسىنىڭ جۇزەگە اسىرىلۋ بارىسى بويىنشا ارالىق قورىتىندىلارىن ۇسىندى.
دياگنوستيكالىق ساۋالناماعا باعدارلاماعا قاتىسۋشى پيلوتتىق مەكتەپتەردەن 20 مىڭنان استام وقۋشى، اتا-انالار مەن پەداگوگتەر قاتىستى، دەپ حابارلايدى aqshamnews.kz.
رەسپوندەنتتەردىڭ ايتۋىنشا، ولاردىڭ پسيحولوگيالىق قاۋىپسىزدىكتى قامتاماسىز ەتۋگە باعىتتالعان ءىس-شارالارعا قاتىسۋ بەلسەندىلىگى باعدارلاما باستالعان ۋاقىتپەن سالىستىرعاندا بەس ەسەگە ارتقان.
ناتيجەلەر كورسەتكەندەي، پيلوتتىق مەكتەپتەردە وڭ وزگەرىستەردىڭ تۇراقتى ديناميكاسى بايقالادى: • مۇعالىمدەر مەن وقۋشىلار اراسىنداعى قارىم-قاتىناس جاقسارعان؛ • مەكتەپتە كومەكتەسۋگە دايىن ەرەسەكتەر بار ەكەنىن سەزىنەتىن بالالار سانى ءۇش ەسە وسكەن؛ • وقۋشىلار اراسىنداعى قارىم-قاتىناس مەيىرىمدىلىك پەن دوستىققا قۇرىلۋدا؛ • بالالار اراسىندا مازاقتاۋ ءۇشىن لاقاپ ەسىمدەرمەن اتاۋ جاعدايلارى ازايعان؛ • پەداگوگتەر اكىمشىلىك پەن ارىپتەستەر تاراپىنان قىسىمعا سيرەك ۇشىرايتىن بولعان.
ايتا كەتەيىك، وتاندىق «دوسبولLIKE» انتيبۋللينگ باعدارلاماسى بيىل 1 قىركۇيەكتەن باستاپ بارلىق مەكتەپتەر مەن كوللەدجدەرگە ەنگىزىلەدى. قازىرگى تاڭدا باعدارلاما ەلىمىزدىڭ توعىز وڭىرىندە 50 مەكتەپتە اپروباسيادان وتۋدە.