وقۋشىلار مەكتەپتەگى ۇزىلىستە اسىق وينايدى

سارىاعاش اۋداندىق ءبىلىم بولىمىنە قاراستى №71 جالپى ءبىلىم بەرەتىن مەكتەبى ۇلتتىق تاربيە مەن قۇندىلىقتاردى وقۋشىلار اراسىندا ناسيحاتتاۋعا ەرەكشە كوڭىل بولۋدە. مەكتەپ ۇجىمى ۇلتتىق ويىنداردى قايتا جاڭعىرتىپ، بالالاردىڭ تاربيەسىنە ايرىقشا ءمان بەرىپ وتىر، دەپ حابارلايدى aqshamnews.kz

وسى ماقساتتا مەكتەپتىڭ ۇستازدارى وقۋشىلاردىڭ قوڭىراۋ ۋاقىتىن ءتيىمدى ءارى قىزىقتى وتكىزۋ ءۇشىن ەرەكشە باستاما كوتەردى. ولار اسىق ويناۋ ءداستۇرىن ەنگىزىپ، ۇلتتىق تاربيەگە نەگىزدەلگەن ويىنداردى ءۇزىلىس كەزىندە بالالارمەن بىرلەسە ويناۋدى ۇسىندى. بۇل ءادىس، ءبىر جاعىنان، وقۋشىلاردىڭ دەنساۋلىعىن نىعايتۋعا، ەكىنشى جاعىنان، ۇلتتىق مادەنيەتكە دەگەن سۇيىسپەنشىلىكتى ارتتىرۋعا كومەكتەسەدى.

مەكتەپ ديرەكتورى ءۇزىلىس كەزىندە وقۋشىلارمەن بىرگە اسىق ويناپ، بالالارعا ۇلتتىق ويىنداردىڭ ماڭىزى مەن ولاردىڭ تاربيەلىك ءمانى تۋرالى ايتادى. وسىلايشا، مەكتەبىمىز ۇلتتىق قۇندىلىقتاردى جاڭعىرتۋ، بالالاردى بىرلىككە، ىنتىماققا تاربيەلەۋ ماقساتىندا اۋقىمدى جۇمىستار اتقارىپ وتىر.

بۇل باستاما وقۋشىلارعا تەك قانا ويىن تۇرىندە ەمەس، رۋحاني جاعىنان دا تاربيە بەرەدى، ولار ۇلتتىق ويىندار ارقىلى كوشپەلى حالىقتىڭ مادەنيەتىن، تاريحىن تەرەڭىرەك تۇسىنە باستايدى.