وقۋشىلار انتيسەپتيك شاشاتىن روبوت ويلاپ تاپتى

روبوتتار فەستيۆالى وتكىزىلدى

وسكەمەن قالاسىندا بيىلعى بالالار جىلىنا وراي وقۋشىلار مەن ستۋدەنتتەر اراسىندا IT-فەستيۆال ءوتتى، دەپ حابارلايدى Almaty-akshamy.kz Inform.kz-كە سىلتەمە جاساپ.

«New generation» دەپ اتالاتىن فەستيۆالدە وبلىستىڭ تۇكپىر-تۇكپىرىنەن مەكتەپ وقۋشىلارى مەن كوللەدج، ۋنيۆەرسيتەت ستۋدەنتتەرى قاتىستى. ءبىلىم سالاسىنداعى اۋقىمدى ىت-كورمەدە بالالار مەن جاستار ءوز جوبالارىن كورسەتىپ، وي-پىكىر، تاجىريبە الماستى.

«بۇگىن فەستيۆالدە ءوز جوبامىزدى – انتيسەپتيك شاشاتىن روبوتتى ۇسىنىپ وتىرمىز. ول داچيك ارقىلى جۇمىس ىستەيدى، قازاق تىلىندە ەركىن سويلەيدى جانە كوروناۆيرۋس ينفەكسياسىنىڭ الدىن الۋ تۋرالى نۇسقاۋلار بەرەدى. ءقازىر بۇل روبوتتى مەكتەبىمىزگە ورناتىپ قويدىق»، - دەيدى و.بوكەي اتىنداعى №44 ليسەي-مەكتەبىنىڭ وقۋشىلارى ءدىلناز ءنابيولدا جانە دياس ەرمۇحانبەتوۆ.

قاتىسۋشىلار 6 باعىت بويىنشا ءوز جۇمىستارىن ۇسىندى، اتاپ ايتقاندا «Kids Skills»، «Maker Fest»، «Junior Skills»، «Startup-جوبالار»، «Robotime»، «ClusterPro». ولاردىڭ ىشىندە قاۋىپسىزدىكتى ۇيىمداستىرۋعا، ويىن ويناۋعا، وقىتۋعا قاتىستى جوبا جاساعاندار بولدى. فەستيۆال بارىسىندا عىلىمي ويىن-ساۋىق الاڭى ۇسىنىلدى. مۇندا كەلۋشىلەر زاماناۋي تەحنولوگيالار سالاسىنداعى سوڭعى جەتىستىكتەرمەن تانىسۋعا مۇمكىندىك الدى.