مەملەكەت باسشىسىنىڭ تاپسىرماسى بويىنشا «جايلى مەكتەپ» ۇلتتىق جوباسى اياسىندا المالى اۋدانىندا وتكەن جىلدىڭ سوڭىندا رايىمبەك داڭعىلىنىڭ اۋەزوۆ كوشەسىمەن قيىلىسىندا 1،5 مىڭ ورىنعا مەكتەپ قۇرىلىسى باستالدى.
قۇرىلىس-مونتاج جۇمىستارىن 2024 جىلدىڭ سوڭىندا اياقتاۋ جوسپارلانۋدا.
بيىل 2-توقساندا №16 مەكتەپكە 300 ورىنعا ارنالعان جانە №58 مەكتەپكە 576 ورىنعا ارنالعان قوسالقى جاپسارجايلار سالىنادى.
2023 جىلعى قاراشا ايىنان باستاپ №136 مەكتەپ-گيمنازيادا كۇردەلى جوندەۋ جانە سەيسميكالىق كۇشەيتۋ جۇمىستارى جۇرگىزىلۋدە، ولار بيىل قازان ايىندا اياقتالادى. سونداي-اق بيىل 3-توقساندا №134 جانە №135 مەكتەپتەردىڭ عيماراتتارى كۇردەلى جوندەلىپ، سەيسميكالىق كۇشەيتىلەدى. مەكتەپكە دەيىنگى ءبىلىم بەرۋ سالاسىندا اعىمداعى جىلى ماۋلەنوۆ كوشەسىندەگى عيماراتتى سەيسميكالىق كۇشەيتە وتىرىپ كۇردەلى جوندەۋ جوسپارلانۋدا، وندا 145 ورىنعا بالاباقشا اشىلادى.
سونىمەن قاتار № 10، № 20، № 43 بالاباقشالار كۇردەلى جوندەۋدەن وتەدى. سونداي-اق، تاستاق شاعىن اۋدانىنداعى تىلەندييەۆ كوشەسىندەگى قولدانىستاعى عيماراتتار بۇزىلىپ، 300 ورىندىق بالاباقشا سالىنادى.