الماتىدا ەۋرازيالىق ۇكىمەتارالىق كەڭەستىڭ وتىرىسى وتەدى

الماتى پوليسيا دەپارتامەنتى 1-2 اقپان كۇندەرى ىقتيمال جول شەكتەۋلەرى تۋرالى حابارلادى

قۇرمەتتى الماتى قالاسىنىڭ تۇرعىندارى مەن قوناقتارى!

الماتى قالاسىندا اعىمداعى جىلدىڭ 1-2 اقپانىندا قازاقستان، ارمەنيا، بەلارۋس، قىرعىزستان، رەسەي ۇكىمەت باسشىلارىنىڭ جانە ەۋرازيالىق ەكونوميكالىق كوميسسيا القاسى ءتوراعاسىنىڭ قاتىسۋىمەن ەۋرازيالىق ۇكىمەتارالىق كەڭەستىڭ وتىرىسى وتەدى.
سونىمەن قاتار، الماتى ءداستۇرلى تۇردە جىل سايىنعى Digital Almaty فورۋمىن وتكىزەتىن ورىن بولىپ تابىلادى.

ەمپس حالىقارالىق فورماتى مەن «Digital Almaty 2024: يندۋستريا X» فورۋمى ساياسي جانە قوعام قايراتكەرلەرىنىڭ، ءتۇرلى ەلدەردەگى ساراپشىلىق توپتاردىڭ جەتەكشى وكىلدەرىنىڭ جانە IT بيزنەس كوشباسشىلارىنىڭ قاتىسۋىن قاراستىرادى.

وسىعان وراي، شارانىڭ اۋقىمى مەن كۇتىلەتىن قوناقتاردىڭ سانىن ەسكەرە وتىرىپ، الماتى پوليسيا دەپارتامەنتى 1-2 اقپاندا كولىك قوزعالىسىنا ءىشىنارا شەكتەۋ قويىلاتىنىن حابارلايدى:

- 1 اقپاندا ءال-فارابي داڭعىلى، شااج، قۇلجا تاس جولى، ساين، شالياپين، مايلين، بۇقتىرما كوشەلەرىنىڭ ايماعىندا تۇزەتۋلەر بولۋى مۇمكىن.
- 2 اقپان – ءال-فارابي، سەيفۋللين داڭعىلدارى، ساين، جاروكوۆ، شالياپين كوشەلەرىندە.

ايتا كەتۋ كەرەك، جول شەكتەۋلەرى قوعامدىق كولىكتەردىڭ جۇمىسىنا اسەر ەتپەيدى.
ازاماتتاردان ۋاقىتشا شارالارعا تۇسىنىستىكپەن قاراۋدى جانە كەپتەلىستەردى بولدىرماۋ ءۇشىن الدىن الا باعىتتارىن رەتتەۋدى سۇرايمىز.