اتىراۋداعى ن.تىلەندييەۆ اتىنداعى كىشى ونەر اكادەمياسىنىڭ 11 سىنىپ وقۋشىسى اسلان تىلەسوۆ IT-تەحنولوگياعا بەت بۇرعان.
جاقىندا №1 ءورت ءسوندىرۋ بولىمشەسىندە ءوزى ويلاپ تاپقان «QazHydrant» دەپ اتالاتىن جاڭا موبيلدىك قوسىمشانى تانىستىردى، دەپ حابارلايدى اlmaty-akshamy.kz قازاقپاراتقا سىلتەمە جاساي وتىرىپ.
ءورت سوندىرۋشىلەر موبيلدىك قوسىمشاعا قىزىعۋشىلىق تانىتىپ وتىر.
«مەن IT-تەحنولوگيانىڭ ەرەكشەلىكتەرىن 8 سىنىپتان بەرى زەرتتەپ كەلەمىن. بۇل جوبانى ءورت ءسوندىرۋ قىزمەتىن وڭتايلاندىرۋ ءۇشىن دايىندادىم. اتالعان قوسىمشانى دايىنداۋعا «ءبىلىم-يننوۆاسيا» ليسەيىندەگى زامانداستارىم ابدىكەرىم نودياروۆ پەن ءادىلجان سالپەكوۆ كومەك بەردى. قوسىمشانى دايىنداۋداعى ماقساتىم – ءورت سوندىرۋشىلەردىڭ قىزمەتىن جەدەلدەتۋگە قول ۇشىن سوزۋ. ويتكەنى، ءورت ءسوندىرۋ كەزىندە توتەنشەلىكتەر گيدرانتتاردى تابا الماي، ابىگەرگە تۇسەدى. اسىرەسە، تۇنگى مەزگىلدە تابۋ قيىن»، - دەيدى جاڭا قوسىمشانىڭ اۆتورى اسلان تىلەسوۆ.
ونىڭ ايتۋىنشا، Google كارتاسىنان اتىراۋ قالاسىنداعى بارلىق گيدرانتتىڭ قاي جەردە ورنالاسقانىن ناۆيگاسيالىق جۇيەمەن انىقتاۋعا مۇمكىندىك بار.
«قوسىمشانىڭ ءالى دە جەتىلدىرەتىن تۇسى بار. دەگەنمەن جاقىندا جوبانى تولىقتىرىپ، ىسكە قوسۋ جولدارى قاراستىرىلادى. بۇعان قوسا، اstanaHub ۇيىمداستىرعان Smart City Accelerator (اقىلدى قالا) بايقاۋىنا قاتىسىپ، ءى كەزەڭىنىڭ ىرىكتەۋىنەن ءوتتىم»، - دەيدى وقۋشى.