بۇگىندە مەكتەپ وقۋلىقتارىنىڭ سيفرلىق فورماتقا كوشىرىلۋ كورسەتكىشى 100%-دى قۇرايدى.
وقۋلىقتار مەملەكەتتىك ساراپتامادان ءوتىپ، وقۋ-ادىستەمەلىك كەشەندەر تىزىمىنە ەنگىزىلدى. سيفرلىق وقۋلىقتار ەلىمىزدە 13 باسپانىڭ 11 پلاتفورماسىندا ازىرلەنۋدە، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
«پاندەردى وقىتۋدا يننوۆاسيالىق ادىس-تاسىلدەردى ەنگىزۋ ماقساتىندا پەداگوگتەردىڭ قولدانۋى ءۇشىن ادىستەمەلىك ۇسىنىستار ازىرلەندى. مۇعالىمدەر ساباقتاردى زاماناۋي سيفرلىق تەحنولوگيالاردى، ونلاين كوممۋنيكاسيالاردى، سارالاۋ مەن دارالاۋدى پايدالانا وتىرىپ وتكىزەدى، سونداي-اق ونلاين رەسۋرستاردى قولدانۋ بويىنشا بىلىمدەرىن جەتىلدىرەدى»، - دەپ اتاپ ءوتتى ق ر وام ءبىلىم سالاسىندا ساپانى قامتاماسىز ەتۋ كوميتەتى ءتوراعاسىنىڭ ورىنباسارى مايرا مەلدەبەكوۆا.
بۇدان باسقا، روبوتوتەحنيكا، STEM، حيميا، فيزيكا، بيولوگيا پاندەرى بويىنشا 1345 زاماناۋي كابينەت اشۋ جۇمىستارى جۇرگىزىلۋدە. جىل سوڭىنا دەيىن 20 وڭىردەگى 1072 مەكتەپ زاماناۋي كابينەتتەرمەن جابدىقتالدى.