الماتى قالاسىندا «وقۋعا قۇشتار ۇلتتىڭ قايتا جاڭعىرۋى» تاقىرىبىندا VI حالىقارالىق عىلىمي-پراكتيكالىق كونفەرەنسيا ءوتتى، دەپ حابارلايدى aqshamnews.kz
كونفەرەنسيا قازاقستان رەسپۋبليكاسى مادەنيەت جانە اقپارات مينيسترلىگىنىڭ قولداۋىمەن، يۋنەسكو قامقورلىعىنداعى حالىقارالىق مادەنيەتتەردى جاقىنداستىرۋ ورتالىعى، تۇرىكسوي جازۋشىلار وداعى جانە م. اۋەزوۆ اتىنداعى ادەبيەت جانە ونەر ينستيتۋتىنىڭ بىرلەسكەن ۇيىمداستىرۋىمەن جۇزەگە اسىرىلدى.
ءىس-شارا اياسىندا وقۋعا قۇشتارلىق پەن ۇلتتىڭ مادەني دامۋىنداعى وقۋدىڭ ءرولى تالقىلانىپ، ەلىمىزدىڭ ادەبيەتى مەن ونەرىنە قاتىستى ماڭىزدى ماسەلەلەر قاراستىرىلدى. جيىنعا قاتىسۋشىلارعا وقۋدىڭ قوعامداعى ورنى مەن مادەنيەتارالىق ديالوگتى نىعايتۋ، ادەبيەتتىڭ ءرولى تۋرالى تەرەڭ ويلار ايتىلدى.
كونفەرەنسيا عىلىم مەن مادەنيەتتى بىرىكتىرۋگە ارنالعان ماڭىزدى الاڭ بولىپ، حالىقارالىق دەڭگەيدە تانىلعان ساراپشىلار مەن زيالى قاۋىم وكىلدەرى پىكىر الماستى.