بايلانىس ورتالىعى جۇمىس كۇندەرى ساعات 9.00-دەن 18.30-عا دەيىن جۇمىس ىستەيدى.
وقۋ-اعارتۋ مينيسترلىگى 1450 ءنومىرى بويىنشا ءبىلىم بەرۋ ماسەلەلەرى جونىندەگى ءبىرىڭعاي بايلانىس ورتالىعىنىڭ جۇمىسىن ۇيىمداستىردى، دەپ حابارلايدى Almaty-akshamy.kz مينيسترلىكتىڭ باسپا ءسوز قىزمەتىنە سىلتەمە جاساپ.
وڭىرلىك ءبىلىم باسقارمالارى ءبىرىڭعاي بايلانىس ورتالىعىنا ەكىنشى جەلى ارقىلى قوسىلعان. جەرگىلىكتى اتقارۋشى ورگانداردىڭ قۇزىرەتىنە جاتاتىن ماسەلەلەر ونى شەشۋ ءۇشىن بىردەن ءبىلىم باسقارمالارىنا جىبەرىلەدى.
بايلانىس ورتالىعى جۇمىس كۇندەرى ساعات 9.00-دەن 18.30-عا دەيىن جۇمىس ىستەيدى. دەمالىس كۇندەرى – سەنبى جانە جەكسەنبى.
بۇگىنگى تاڭدا بايلانىس ورتالىعىنا 1 200-دەن استام قوڭىراۋ ءتۇستى. كوبىنەسە ازاماتتاردى بالاباقشادان ورىن الۋ ءۇشىن كەزەككە قالاي تۇرۋ كەرەگى قىزىقتىرادى. بۇل ماسەلە بويىنشا تۇسىندىرمە جۇمىستارىن جەرگىلىكتى اتقارۋشى ورگانداردىڭ وكىلدەرى جۇرگىزەدى. سونداي-اق ەڭ وزەكتى تاقىرىپتار ءبىلىم تۋرالى قۇجاتتاردى قالپىنا كەلتىرۋ، مەكتەپتەگى تاماقتاندىرۋ ماسەلەسى، بالالاردى ءبىر مەكتەپتەن ەكىنشىسىنە اۋىستىرۋعا قاتىستى.