بۇيرىق 2025 جىلعى 24 تامىزدان باستاپ كۇشىنە ەنەدى، دەپ حابارلايدى aqshamnews.kz
وقۋ جىلى 2025 جىلعى 1 قىركۇيەكتەن باستاپ 2026 جىلعى 25 مامىرعا دەيىن.
قازاقستان رەسپۋبليكاسى وقۋ-اعارتۋ ءمينيسترى 2025 جىلعى 5 تامىزداعى بۇيرىعىمەن 2025-2026 وقۋ جىلىنىڭ باستالۋ جانە اياقتالۋ مەرزىمدەرىن، سونداي-اق ورتا ءبىلىم بەرۋ ۇيىمدارىندا ءبىلىم الۋشىلاردىڭ قورىتىندى اتتەستاسياسىن وتكىزۋ مەرزىمدەرىن ايقىندادى.
1-11 (12) سىنىپتاردا وقۋ جىلى ىشىندە توقسانداردىڭ جانە دەمالىستاردىڭ ۇزاقتىعى:
1-توقسان – 8 وقۋ اپتاسى، كۇزگى دەمالىس – كۇنتىزبەلىك 7 كۇن (2025 جىلعى 27 قازاننان باستاپ 2 قاراشانى قوسا العاندا)؛
2-توقسان – 8 وقۋ اپتاسى، قىسقى دەمالىس – كۇنتىزبەلىك 10 كۇن (2025 جىلعى 29 جەلتوقساننان باستاپ 2026 جىلعى 7 قاڭتاردى قوسا العاندا)؛
3-توقسان – 10 وقۋ اپتاسى، كوكتەمگى دەمالىس – كۇنتىزبەلىك 11 كۇن (2026 جىلعى 19-29 ناۋرىزدى قوسا العاندا)؛
1-سىنىپتاردا قوسىمشا دەمالىس – كۇنتىزبەلىك 7 كۇن (2026 جىلعى 9-15 اقپاندى قوسا العاندا):
4-توقسان – 8 وقۋ اپتاسى.
قورىتىندى اتتەستاسيا مەرزىمدەرى:
9 (10)-سىنىپ وقۋشىلارى ءۇشىن قورىتىندى ءبىتىرۋ ەمتيحاندارى – 2026 جىلعى 29 مامىردان باستاپ 11 ماۋسىم ارالىعىندا؛
11 (12)-سىنىپ وقۋشىلارى ءۇشىن مەملەكەتتىك ءبىتىرۋ ەمتيحاندارى – 2026 جىلعى 2-15 ماۋسىم ارالىعىندا.
ەمتيحاندار كەستەسى:
9 (10)-سىنىپ وقۋشىلارى ءۇشىن:
ماتەماتيكا (الگەبرا) بويىنشا جازباشا ەمتيحان – 2026 جىلعى 29 مامىر؛
تاڭداۋ ءپانى بويىنشا جازباشا ەمتيحان (فيزيكا، حيميا، بيولوگيا، گەوگرافيا، گەومەتريا، قازاقستان تاريحى، دۇنيەجۇزى تاريحى، ادەبيەت (وقىتۋ ءتىلى بويىنشا)، شەت ءتىلى (اعىلشىن/فرانسۋز/نەمىس)، ينفورماتيكا) – 2026 جىلعى 3 ماۋسىم؛
قازاق ءتىلى/ورىس ءتىلى جانە ۇيعىر/تاجىك/وزبەك تىلىندە وقىتاتىن مەكتەپتەردە انا ءتىلى (وقىتۋ ءتىلى) بويىنشا ەسسە تۇرىندەگى جازباشا ەمتيحان، ال گۋمانيتارلىق سيكل پاندەرىن تەرەڭدەتىپ وقىتاتىن مەكتەپتەردە – ماقالا، اڭگىمە نەمەسە ەسسە جازۋ – 2026 جىلعى 8 ماۋسىم؛
ورىس/وزبەك/ۇيعىر/تاجىك تىلىندە وقىتاتىن سىنىپتاردا قازاق ءتىلى مەن ادەبيەتى، قازاق تىلىندە وقىتاتىن سىنىپتاردا ورىس ءتىلى مەن ادەبيەتى پانىنەن جازباشا ەمتيحان – 2026 جىلعى 11 ماۋسىم.
11 (12) سىنىپتار:
قازاقستان تاريحى پانىنەن اۋىزشا ەمتيحان – 2026 جىلعى 2 ماۋسىم؛
الگەبرا جانە اناليز باستامالارى پانىنەن جازباشا ەمتيحان – 2026 جىلعى 5 ماۋسىم؛
قازاق ءتىلى/ورىس ءتىلى جانە ۇيعىر/تاجىك/وزبەك تىلىندە وقىتاتىن مەكتەپتەردە انا ءتىلى (وقىتۋ ءتىلى) پانىنەن جازباشا ەمتيحان – 2026 جىلعى 9 ماۋسىم؛
تاڭداۋ پانىنەن (فيزيكا، حيميا، بيولوگيا، گەوگرافيا، گەومەتريا، دۇنيەجۇزى تاريحى، قۇقىق نەگىزدەرى، ادەبيەت (وقىتۋ ءتىلى بويىنشا)، شەت ءتىلى (اعىلشىن/فرانسۋز/نەمىس)، ينفورماتيكا) جازباشا ەمتيحان – 2026 جىلعى 12 ماۋسىم؛
وزبەك/ۇيعىر/تاجىك/ورىس تىلىندە وقىتاتىن سىنىپتاردا قازاق ءتىلى مەن ادەبيەتى، قازاق تىلىندە وقىتاتىن سىنىپتاردا ورىس ءتىلى مەن ادەبيەتى پانىنەن جازباشا ەمتيحان – 2026 جىلعى 15 ماۋسىم.