مينيستر ەلىمىزدىڭ بولاشاعى ءۇشىن ءار ادامنىڭ داۋىسى ەرەكشە ماڭىزدى ەكەنىن ەسكە سالدى.
وقۋ-اعارتۋ ءمينيسترى اسحات ايماعامبەتوۆ بۇگىنگى سايلاۋدا داۋىس بەرگەنى تۋرالى الەۋمەتتىك جەلىدەگى پاراقشاسىندا جازدى. ول پەداگوگتەر مەن ءبىلىم سالاسىنىڭ باسقا دا قىزمەتكەرلەرىن، ستۋدەنتتەر مەن ەلىمىزدىڭ ازاماتتارىن سايلاۋدا داۋىس بەرۋگە شاقىردى.
«بۇگىن تاڭەرتەڭ وتباسىمىزبەن بىرگە ازاماتتىق بورىشىمىزدى ورىنداپ، ادىلەتتى مەملەكەت ءۇشىن، وتانىمىز قازاقستاننىڭ بولاشاعى ءۇشىن داۋىس بەردىك. پەداگوگتەر مەن ءبىلىم سالاسىنىڭ باسقا دا قىزمەتكەرلەرىن، ستۋدەنتتەردى جانە بارلىق وتانداسىمدى سايلاۋ ۋچاسكەلەرىنە بارىپ، ءوز ەلى، ءوز قالاسى جانە وتباسى ءۇشىن تاڭداۋ جاساۋعا شاقىرامىن. بارشامىز الەمدەگى كۇردەلى گەوساياسي جانە ەكونوميكالىق جاعدايدىڭ كۋاگەرىمىز جانە بۇگىن قابىلدايتىن شەشىمىمىز كۇندەلىكتى ومىرىمىزگە، ورتاق بولاشاعىمىزعا، ءال-اۋقاتىمىزعا عانا ەمەس، سونىمەن بىرگە مەملەكەتىمىزدىڭ ودان ءارى نىعايۋىنا جانە الەمدىك ارەناداعى ۇستانىمدارىمىزعا دا اسەر ەتەدى. ءار ادامنىڭ داۋىسى ماڭىزدى!» - دەپ جازدى مينيستر اسحات ايماعامبەتوۆ.