2،8 پايىز قىمباتتاپ، باررەلىنە 87،50 دوللارعا جەتتى.
وپەك+ ۇيىمىنىڭ 2020 جىلدان بەرى مۇناي ءوندىرۋدى بارىنشا قىسقارتۋ جوسپارلارى اياسىندا دۇيسەنبى كۇنى ازيا نارىعىنداعى تاڭەرتەڭگى ساۋدادا مۇناي باعاسى 3 پايىزدان استام كوتەرىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
دۇيسەنبىدە Brent ماركالى مۇناي فيۋچەرستەرى جۇما كۇنى سەسسيا جابىلار الدىندا 0،6 پايىزعا ارزانداعان سوڭ، 2،36 دوللار نەمەسە 2،8 پايىز قىمباتتاپ، باررەلىنە 87،50 دوللارعا جەتتى.
ءوز كەزەگىندە اقش-تىڭ West Texas Intermediate (WTI) مۇنايى الدىڭعى سەسسيادا 2،1 پايىزعا تومەندەگەننەن كەيىن 2،27 دوللار نەمەسە 2،9 پايىز قىمباتتاپ، باررەلىنە 81،76 دوللاردى قۇراعان.
باعا ءوسىمى وپەك+ رەتىندە تانىمال مۇناي ەكسپورتتاۋشى ەلدەر ۇيىمىنىڭ نارىقتى قولداۋ ماقساتىندا مۇناي ءوندىرۋدى كۇنىنە 1 ملن باررەلدەن استام قىسقارتۋ جوسپارلارى اياسىندا بولدى.
ۇيىم مۇنداي مۇمكىندىكتى وسى سارسەنبى، 5 قازاندا، وتەتىن الداعى وتىرىس قارساڭىندا قاراستىرۋدا. مۇنداي شەشىم قابىلدانسا، بۇل پاندەميا باستالعاننان بەرى مۇناي ءوندىرۋدىڭ ەڭ ۇلكەن قىسقارۋى بولماق.
وسىعان قاراماستان، نارىق ساراپشىلارى ءوندىرىستىڭ قىسقارۋىنىڭ ەنەرگيامەن قامتاماسىز ەتۋگە اسەرى جالپى كورسەتكىشتەردەن ايتارلىقتاي تومەن بولادى دەپ ەسەپتەيدى، ويتكەنى وپەك+ مۇشەلەرىنىڭ كوپشىلىگى ۇيىمنىڭ كۆوتالارى رۇقسات ەتكەننەن الدەقايدا از ءونىم شىعارىپ وتىر.