كەزەكتە تۇرعاندار جالداۋ اقىسىن تولىق تولەگەننەن كەيىن تۇرعىن ءۇي يەسى اتانادى.
يندۋستريا جانە ينفراقۇرىلىمدىق دامۋ مينيسترلىگى ساتىپ الۋ قۇقىعىمەن جالعا بەرىلەتىن تۇرعىن ءۇي مەحانيزمىن ەنگىزۋمەن اينالىسىپ جاتىر، دەپ حابارلايدى Almaty-akshamy.kz
يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى ۆەدومستۆونىڭ ساتىپ الۋ قۇقىعىمەن جالعا بەرىلەتىن تۇرعىن ءۇي مەحانيزمىن ەنگىزۋ بويىنشا جۇمىس جۇرگىزىپ جاتقانىن مالىمدەدى.
«كەزەكتە تۇرعان ادامنىڭ ءوتىنىشى بويىنشا ساتىپ الۋ ارقىلى جالعا الۋعا كوشۋ نەمەسە قازىرگى شارتتار بويىنشا ساتىپ الۋسىز جالعا بەرىلەتىن تۇرعىن ۇيدە تۇرۋ ۇسىنىلادى. ساتىپ الۋ ارقىلى جالعا الۋ شارتىنا اۋىسقان كەزەكتە تۇرعاندار ءۇشىن باستاپقى جارناسىز ساتىپ الۋ ۇسىنىلادى. وسىلايشا كەزەكتە تۇرعاندار تۇرعىن ءۇي جاعدايىن ناشارلاتپاي، جالداۋ اقىسىن تولىق تولەگەننەن كەيىن تۇرعىن ءۇي يەسى اتانۋعا ناقتى مۇمكىندىك الادى»، - دەپ مالىمدەدى يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى.
مينيسترلىك بۇل جاعدايدا تۇرعىن ءۇي جەكە قۇرىلىس سالۋشىلاردان جايلى ءومىر ءسۇرۋ جاعدايلارىنىڭ زاماناۋي كريتەرييلەرىنە سايكەس كەلەتىن نارىقتىق باعامەن ساتىپ الىناتىنىن ايتتى.