OPEC+ ۇيىمىنا مۇشە سەگىز ەل بەيسەنبى، 3 ناۋرىزدا قازاقستاننىڭ مۇناي ءوندىرىسىن كۆوتادان اسىرىپ جىبەرۋ ماسەلەسىن تالقىلايدى، دەپ حابارلايدى aqshamnews.kz
بۇل تۋرالى Reuters اگەنتتىگىنە ەكى دەلەگات حابارلاعان.
قازاقستاننىڭ ۇيىم كۆوتاسىن ورىنداماي، مۇناي وندىرىسىندە قايتا-قايتا رەكورد ورناتۋى وسى توپتىڭ مۇشەلەرىن، سونىڭ ىشىندە ساۋد ارابياسىن اشۋلاندىردى دەپ مالىمدەدى دەرەككوزدەر. OPEC+ قازاقستاندى مۇناي ءوندىرىسىن قىسقارتۋعا، ارتىق ءوندىرىس ەسەسىن قايتارۋعا شاقىرىپ وتىر.
«بەيسەنبىدەگى كەزدەسۋ قازاقستاننىڭ جاڭا مينيسترىنە وندىرىسكە قاتىستى تالاپتاردى ورىنداۋدىڭ، ارتىعىنىڭ ەسەسىن قايتارۋدىڭ ماڭىزدى ەكەنىن ءتۇسىندىرۋ ءۇشىن كەرەك»، – دەيدى دەلەگاتتاردىڭ ءبىرى.
وتكەن ايدا قازاقستان ەنەرگەتيكا مينيسترلىگىنىڭ باسشىسى قىزمەتىنە ەرلان اقكەنجەنوۆ تاعايىندالعان.
OPEC+ ەلدەرى مامىر ايىندا مۇناي ءوندىرىسىن تاۋلىگىنە 135 مىڭ باررەلگە دەيىن ءوسىرۋدى كوزدەپ وتىر.
وسى اپتادا رەسەي قارا تەڭىزدە قازاقستان مۇنايىن ەكسپورتتايتىن تەرمينالعا تانكەرلەردى قاشىقتان بوساتاتىن ەكى نىساندى جابۋدى تاپسىردى. ەندى مۇناي ءوندىرىسى ەكى ەسە ازايۋى مۇمكىن.
قازاقستان 2024 جىلى دا، بيىل دا ۇيىم بەلگىلەگەن قاتتى اسىپ كەتىپ، كارتەل سىنىنا ۇشىراعان.
ال بيىل ناۋرىزدىڭ باسىندا OPEC+ ەلدەرى مۇناي ءوندىرىسىن ساۋىردەن باستاپ ارتتىرۋعا كەلىسكەن.