تايلاند پەن يندونەزيادا تابيعي اپات سالدارىنان قازا تاپقاندار سانى 500-گە جەتتى. مەملەكەت باسشىسى قاسىم-جومارت توقايەۆ ەكى ەل حالقىنا كوڭىل ايتتى، - دەپ حابارلايدى aqshamnews.kz ءتىلشىسى.
24.kz مالىمەتىنشە، تايلاندتىڭ وڭتۇستىگى دە سۋ تاسقىنىنان قاتتى زارداپ شەكتى. بۇل ەلدە تابيعات اپاتىنان 162 ادام كوز جۇمدى. ەڭ كوپ شىعىن سانگكحلا پروۆينسياسىندا تىركەلدى. وندا 126 ادام وپات بولدى. جالپى تاسقىننان 3 ميلليوننان استام تۇرعىن جاپا شەكتى. توعىز پروۆينسيانى سۋ باسىپ، مىڭداعان ادام ءقاۋىپسىز جەرگە كوشىرىلگەن. كەي اۋداندارعا ازىق-تۇلىك پەن دارى-دارمەك تىكۇشاقپەن جەتكىزىلىپ جاتىر.
"يندونەزيادا سۋ تاسقىنى مەن كوشكىن سالدارىنان وپات بولعاندار سانى 303-كە جەتتى. تاعى 200-گە جۋىق ادام ءىز-تۇسسىز جوعالعان. قيراعان جولدار ىزدەستىرۋ-قۇتقارۋ جۇمىستارىن قيىنداتىپ وتىر. بيىك جوتادان اققان لاي مەن تاستاردىڭ استىندا قالىپ قويعان ادام كوپ. اپات ايماقتارىنا كومەك تىكۇشاق ارقىلى جەتكىزىلىپ جاتىر"، - دەلىنگەن حابارلامادا.
مەملەكەت باسشىسى يندونەزيا پرەزيدەنتى مەن تايلاندتىڭ پرەمەر-مينيسترىنە كوڭىل ايتۋ جەدەلحاتتارىن جولدادى.
قاسىم-جومارت توقايەۆ اتالعان ەلدەردىڭ اۋماعىندا بولعان سۋ تاسقىنى سالدارىنان كوپتەگەن ادامنىڭ قايتىس بولۋىنا بايلانىستى يندونەزيا پرەزيدەنتى پرابوۆو سۋبيانتوعا جانە تايلاند پرەمەر-مينيسترى انۋتين چارنۆيراكۋلعا كوڭىل ايتتى.