قازاقستاندىق اراحنولوگتار قىزىلقۇم شولىندەگى كارامولا تاۋىندا ەكى بەلگىسىز ورمەكشى ءتۇرىن تاپتى. بۇل تۋرالى ق ر زوولوگيا ينستيتۋتى ينستيتۋتتىڭ رەسمي پاراقشاسىندا مالىمدەدى، دەپ حابارلايدى aqshamnews.kz
ەكسپەديسيا وتكەن جىلدىڭ كوكتەمى مەن كۇزىندە قىزىلقۇم ءشولىنىڭ قازاقستاندىق بولىگىندە جۇرگىزىلىپ، كارامولا تاۋىنداعى ورمەكشىلەردى زەرتتەۋ ماقسات ەتىلگەن.
زەرتتەۋ ناتيجەسىندە:
- ينستيتۋت ماماندارى جالپى 54 ورمەكشى ءتۇرىن انىقتادى.
- ولاردىڭ 27 ءتۇرى قىزىلقۇم شولىندە العاش رەت تىركەلسە، 10 ءتۇرى قازاقستان اۋماعىندا بۇرىن بەلگىسىز بولعان.
زەرتتەلگەن جاڭا تۇرلەر Anagraphis karamola جانە Drassodes babenkoi اتاۋىن الدى. ەكەۋى دە Gnaphosidae، ياعني جەردەگى اڭشى ورمەكشىلەر توبىنا جاتادى.