اقش-تىڭ وڭتۇستىك-شىعىسىندا سوققان داۋىلدان قازا تاپقاندار سانى 116-عا جەتتى. تاعى 600 ادام ءىز-تۇزسىز جوعالعاندار ساناتىنا سانالىپ وتىر، دەپ حابارلايدى aqshamnews.kz.
تابيعي اپاتتان سولتۇستىك كارولينا شتاتى ەڭ قاتتى زارداپ شەكتى. ەلدى مەكەندەر تولىعىمەن قيراپ قالعان. ءقازىر اپات ايماعىندا قۇتقارۋ-ىزدەستىرۋ جۇمىستارى جالعاستى. ءبىراق بۇلىنگەن جولدار ءبىرشاما قيىندىق كەلتىرىپ جاتىر. ەرتەڭ وڭىرگە ەل پرەزيدەنتى دجو بايدەن بارادى. «حەلەن» داۋىلى بىرنەشە شتاتتى جايپاپ، 3 ميلليونداي تۇرعىن جارىقسىز قالدى. مامانداردىڭ الدىن الا ەسەبى بويىنشا شىعىن كولەمى 100 ميلليارد دوللاردان اسۋى مۇمكىن.