وڭتۇستىك كورەيادان اكەلىنگەن كولىكتەردى زاڭسىز تىركەۋدىڭ جولى كەسىلدى

250 كولىك زاڭسىز تىركەلگەن. 

ۇيىمداسقان قىلمىسقا قارسى كۇرەس باسقارماسىنىڭ مالىمەتىنشە، بۇل تىزبەكتە “ازاماتتارعا ارنالعان ۇكىمەت” اق-عا قاراستى مامانداندىرىلعان حالىققا قىزمەت كورسەتۋ ورتالىعىنىڭ قىزمەتكەرلەرى، سونداي-اق وڭتۇستىك كورەيادان كولىك الىپ كەلۋدى جولعا قويعان ك. ەسىمدى ازامات كۇدىكتى دەپ تانىلدى.

«ك. ەسىمدى ازامات مامانداندىرىلعان حالىققا قىزمەت كورسەتۋ ورتالىعىنىڭ قىزمەتكەرلەرىمەن قىلمىستىق كەلىسىمگە كەلىپ، قازاقستان رەسپۋبليكاسىنىڭ اۋماعىندا كولىك قۇرالدارىن تىركەۋگە نەگىز بولاتىن قۇجاتتارعا جالعان مالىمەتتەر ەنگىزگەنى بەلگىلى بولدى. وسى زاڭسىز ارەكەتتەرىنىڭ ناتيجەسىندە كۇدىكتى باستاپقى مەملەكەتتىك تىركەۋ ءۇشىن بەلگىلەنگەن الىمدار، ياعني 340 ملن تەڭگەدەن استام سوممانى تولەۋدەن جالتارعان. تەرگەۋدىڭ وسى كەزەڭىندە 250 كولىكتىڭ وسىنداي قىلمىستىق تىزبەكپەن الىپ كەلىنىپ، تىركەلگەنى انىقتالدى»، – دەدى الماتى قالالىق پد ۇيىمداسقان قىلمىسقا قارسى كۇرەس باسقارماسىنىڭ باستىعى جانات نۇرعالييەۆ.

بايانداماشى ق ر قك-نىڭ 385-بابى (جالعان قۇجاتتاردى، ءمورتابانداردى، مورلەردi، بلانكىلەردى، مەملەكەتتiك پوشتا تولەمى بەلگىلەرىن، مەملەكەتتiك ناگرادالاردى قولدان جاساۋ، دايىنداۋ نەمەسە وتكiزۋ) بويىنشا قوزعالعان قىلمىستىق ءىستى الماتى قالالىق پد انىقتاۋ باسقارماسىندا تەرگەپ جاتقانىن اتاپ ءوتتى.