وڭتۇستىك كورەيادا ءۇش قازاقستاندىق ۇستالدى

ولار ەلشىلىكتەن كومەك سۇراماعان.

كورەيا رەسپۋبليكاسىندا جالعان قۇجات جاسادى دەگەن كۇدىكپەن قازاقستاننىڭ 3 ازاماتى ۇستالدى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلادى اlmaty-akshamy.kz Halyq Uni-نە سىلتەمە جاساپ،

كورەيا رەسپۋبليكاسى كوشى-قون قىزمەتىنىڭ مالىمەتىنشە، 12 اقپاندا قازاقستاننىڭ 3 ازاماتى ۇستالعان. ەكەۋى قاماۋعا الىندى، ال ۇشىنشىسىنەن ەلدەن كەتپەۋ تۋرالى قولحات الىندى. قىلمىستىق ءىس جەرگىلىكتى پروكۋراتۋراعا جىبەرىلدى، - دەدى ول سىم-دە وتكەن باسپا ءسوز ءماسليحاتىندا.

رەسمي وكىلدىڭ ايتۋىنشا، ۇستالعان ۇشەۋ كورەيادا جالعان قۇجاتتار جاساۋمەن اينالىسقان.

كۇدىكتىلەر بوسقىن مارتەبەسىن الۋ ءۇشىن جالعان مالىمەتتەر قۇراستىردى جانە الەۋمەتتىك جەلىلەر ارقىلى قۇجاتتار دايىندادى دەگەن كۇدىككە ىلىنگەن. ولار مالىمەتتەردى شەتەلدىكتەر مەن قازاقستان ازاماتتارى ءۇشىن دايىنداعان. تەرگەۋ بارىسىندا كورەيادا تۇراتىن ءبىرقاتار شەتەلدىكتىڭ بوسقىن مارتەبەسىن الۋ تۋرالى جالعان ءوتىنىش بەرگەنى انىقتالدى، - دەدى ايبەك سمادياروۆ.

كورەي تاراپى قازاقستان ەلشىلىگىنە قىلمىستىق ىسكە قاتىستى دەرەكتەردى بەرمەگەن.

«دەربەس دەرەكتى قورعاۋ تۋرالى" زاڭىنا سايكەس، وڭتۇستىك كورەيانىڭ قۇقىق قورعاۋ ورگاندارى ۇستالعاندار تۋرالى دەربەس دەرەك پەن وزگە دە اقپاراتتى قازاقستان ەلشىلىگىنە بەرۋدەن باس تارتتى. ۇستالعان قازاقستان ازاماتتارى سەۋلدەگى ەلشىلىكتەن كومەك سۇراماعان ءارى ەلشىلىك قىزمەتكەرلەرىنە اقپارات بەرگەن جوق»، - دەدى ول.