جاپونيادا قاراۋسىز قالعان ۇيلەر سانى 9 ميلليونعا جەتتى.
بۇل جايىندا aqshamnews.kz islam.kz پورتالىنا سىلتەمە جاساي وتىرىپ.
بۇل رەتتە 65 جانە ودان جوعارى جاستاعى ادامدار ۇلەسى وتكەن جىلدىڭ جەلتوقسان ايىنداعى دەرەك بويىنشا ءوز حالقىنىڭ 20%-نان اسقان، دالىرەگى، 10 244 550 ادامعا جەتكەن.
بىرىككەن ۇلتتار ۇيىمى 65 جانە ودان جوعارى جاستاعى ادامدار ۇلەسى حالىقتىڭ 7%-دان استامىن قۇرايتىن قوعامدى «قارتايعان قوعام» جانە وسى جاس توبىنداعىلار قاراسى 14%-دان استامىن قۇرايتىن قوعامدى «ەسكى قوعام» ساناتىنا جاتقىزادى. ال بۇل كورسەتكىش حالىقتىڭ جالپى سانىنا شاققاندا 20%-دان اسسا، «شەكتەن تىس قارت» قوعام ساناتىنا ەنەدى.
ChosunBiz بايانداماسىندا تاڭعى شىق ەلىنەن 19 جىل بۇرىن «شەكتەن تىس قارت قوعامىنا» اينالعان، ياعني، 2004 جىلدان باستاپ اتالمىش ساناتقا ەنگەن جاپونيا اۋماعىنداعى تۇرعىن ۇيلەردىڭ 13،8%-ى بۇگىنگى تاڭدا يەسىز قاڭىراپ تۇر. كۇنشىعىس ەلى ۇكىمەتتىڭ مالىمەتىنشە، 2023 جىلدىڭ قازان ايىنداعى ماعلۇمات بويىنشا جاپونياداعى قاراۋسىز قالعان ۇيلەردىڭ سانى رەكوردتىق دەڭگەيگە - 9 ميلليونعا جەتتى. بۇل كورسەتكىش 2018 جىلمەن سالىستىرعاندا 510 000-عا كوپ. نارىقتى تالداۋ ناتيجەسى كورسەتكەندەي، بوس تۇرعان ۇيلەردىڭ ناقتى سانى ودان دا كوپ. Nomura زەرتتەۋ ينستيتۋتىنىڭ ەسەبىنە قاراعاندا، جاپونيادا شامامەن 11 ميلليون ءۇي بوس تۇر جانە 2033 جىلعا قاراي بوس تۇرعان ۇيلەر بارلىق جىلجىمايتىن مۇلىكتىڭ 30% -نان استامىن قۇرايتىن بولادى. جاپوندار ۇعىمىندا «اكيا» دەگەن اتپەن تانىلعان مۇنداي ۇيلەر شاپشاڭ قارتايۋ جانە تۋۋ كورسەتكىشىنىڭ تومەن بولۋىنىڭ ناقتى بەلگىسى رەتىندە جىكتەلەدى.
جاپونيانىڭ ىشكى ىستەر جانە كوممۋنيكاسيا مينيسترلىگىنىڭ دەرەگى بويىنشا 2023 جىلعى قازانداعى مالىمەت بويىنشا شەتەلدىك تۇرعىنداردى قوسا العاندا جاپونيا حالقىنىڭ سانى 124،352 ميلليون ادامدى قۇرادى. جاپون حالقى، مىنە، قاتارىنان 12 جىل كەمىپ كەلەدى. بۇل مەرزىمدە جاسى 75-كە جەتكەن جانە ودنا جوعارى قارتتار قاراسى 713 000 ادامعا ارتىپ، العاش رەت 20 ملن-نان استى. وسىعان قاراماستان جاسى 65-تەگى جانە ودان جوعارى قارتتارقاراسى 900 مىڭ ادامعا كەمىگەنىمەن قارتتار سانى حالىقتىڭ جالپى سانىنا شاققاندا ءبارىبىر جوعارى كۇيىندە قالىپ وتىر - 29،1%. قاڭىراعان ۇيلەردىڭ 72% -دان استامى قانداي دا ءبىر كەزەڭدە جالعا بەرمەيتىن، ساتپايتىن قاراۋسىز قالعان ۇيلەر ەسەبىنەن قالىپتاستى. مۇنداي عيماراتتار سانى 3،9 ميلليون بولىپ شىقتى، بارلىق بوس تۇرعان ۇيلەردىڭ جارتىسىنا جۋىعى نەمەسە 42،8% -ى. بۇل رەتتە مۇنداي ۇيلەر 2003 جىلى 32،1% -دى قۇراعان بولاتىن. قارتايعان قوعامعا ءتان مۇنداي قورقىنىشتى قۇبىلىس بالا-شاعاسىنان نەمەسە باسقا تۋىستارىنان الىس تۇراتىن اتا-انالاردىڭ قارتتار ۇيىنە كوشۋىنە نەمەسە ومىردەن كەتۋىنە بايلانىستى قالىپتاسقان. بالالارىنىڭ نەمەسە تۋىستارىنىڭ مۇنداي قاڭىراعان مۇلىكتى يەلەنۋ قيىن، ولار ونى جالعا دا بەرە المايدى، ساتا دا المايدى جانە جوعارى سالىق تولەمەۋ ءۇشىن مۇراعا الۋدان باس تارتقاندى ءجون كورەدى. The Guardian مەرزىمدى باسىلىمى اتاپ وتكەندەي، جاپونيانىڭ بوس تۇرعان ۇيلەرى اۆستراليانىڭ بارلىق حالقىن پانالاتۋعا، ياعني، ءبىر ۇيگە ءۇش ادامنان ورنالاستىرۋعا جەتكىلىكتى. Asian investor پورتالى 2024 جىلدىڭ ءبىرىنشى توقسانىندا جاپونيانىڭ جىلجىمايتىن مۇلىككە تارتىلعان ينۆەستيسياسى 31،3 ملرد دوللارعا دەيىن تومەندەگەنىن حابارلادى، بۇل كورسەتكىش سوڭعى 10 جىلداعى ەڭ تومەنگىسى.