الماتىدا تۋبەركۋلەزگە قارسى كۇرەس قارقىندى جالعاسۋدا، بۇل ىسكە ۇكىمەتتىك ەمەس ۇي̆ىمدار (ۇەۇ) اي̆تارلىقتاي̆ ۇلەس قوسۋدا. «مەي̆ءىرىمدى جول» قوعامدىق قورى بىرنەشە جىلدان بەرى تۋبەركۋلەزبەن اۋىراتىن ناۋقاستارعا جان-جاقتى قولداۋ كورسەتىپ، تەك ەمدەۋگە عانا ەمەس، الەۋمەتتىك ماسەلەلەردى شەشۋگە دە كومەكتەسۋدە. بۇل تۋرالى وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا قوردىڭ جوبا جەتەكشىسى ماديار ابديلوۆ مالىمدەدى، دەپ حابارلايدى aqshamnews.kz
«وتكەن جىلى ءبىز نەگىزگى حالىق توپتارىنان 530 ادامدى تەكسەرىستەن وتكىزىپ، ولاردىڭ 87-سىنەن تۋبەركۋلەز انىقتادىق. اۋرۋدى ەرتە انىقتاۋ عانا ەمەس، ونى ۋاقىتىلى ەمدەۋ دە اسا ماڭىزدى. 2024 جىلى ءبىز بۇرىن ەمىن توقتاتقان 22 ناۋقاسقا قاي̆تادان مەديسينالىق كومەك بەردىك»، – دەپ مالىمدەدى سپيكەر.
ونىڭ اي̆تۋىنشا، قوردىڭ باستى باعىتتارىنىڭ ءبىرى – ناۋقاستاردى الەۋمەتتىك قولداۋ. 2024 جىلى 66 تۇرعىلىقتى جەرى جوق ادام ەمحاناعا تىركەلسە، 152 پاسيەنت رەسمي تىركەۋگە قوي̆ىلدى، ال تۋبەركۋلەزدەن زارداپ شەككەن 82 وتباسى داعدارىس ورتالىقتارىنا جىبەرىلدى.
سونىمەن قاتار، جۇمىسقا ورنالاستىرۋ مەن الەۋمەتتىك قولداۋ الۋعا كومەكتەسۋ شارالارى دا ۇي̆ىمداستىرىلدى. ناتيجەسىندە 72 پاسيەنت جۇمىسپەن قامتۋ ورتالىعىنا كەزەككە قوي̆ىلىپ، امبۋلاتورلىق ەم قابىلداپ جۇرگەن 128 ناۋقاس ازىق-تۇلىك سەبەتتەرىن الدى، ال 160 ادامعا كولىك كارتالارى بەرىلدى. بۇدان بولەك، ءبىلىم بەرۋ ترەنينگتەرى، زاڭگەرلىك كەڭەستەر مەن مادەني-دەمالىس شارالارى ۇي̆ىمداستىرىلدى.
«تۋبەركۋلەزگە قارسى كەشەندى شارالار، ونىڭ ىشىندە مەديسينالىق، الەۋمەتتىك جانە پسيحولوگيالىق قولداۋ ناقتى ناتيجەلەر بەرۋدە. بۇل پروسەستە ۇەۇ-لار ماڭىزدى ءرول اتقارادى، ولار ناۋقاستارعا تەك اۋرۋدى جەڭۋدى عانا ەمەس، سونىمەن قاتار ومىرلىك قيىندىقتاردى ەڭسەرۋگە كومەكتەسەدى»، – دەپ ءتۇي̆ىندەدى ماديار ابديلوۆ.
سپيكەردىڭ اي̆تۋىنشا، مەملەكەت پەن قوعامدىق ۇي̆ىمداردىڭ بىرلەسكەن جۇمىسىنىڭ ارقاسىندا الماتىدا تۋبەركۋلەزدىڭ الدىن الۋ، ەرتە دياگنوستيكا جاساۋ جانە ونى ءتيىمدى ەمدەۋ ءۇشىن بارلىق قولاي̆لى جاعداي̆لار جاسالۋدا