وڭتۇستىك افريكادان شىققان جاڭا كوروناۆيرۋسقا اتاۋ بەرىلدى

قازىرگى ۆاكسينالار ودان قورعاي ما؟  

دۇنيەجۇزىلىك دەنساۋلىق ساقتاۋ ۇيىمى (ددسۇ) قاراشادا وڭتۇستىك افريكادا تىركەلگەن كوروناۆيرۋستىڭ جاڭا شتاممىنا گرەك ءالفاۆيتىنىڭ 15ء-شى ءارپى - «وميكرون» اتاۋىن بەردى، دەپ جازادى inbusiness.kz ءتىلشىسى ينتەرفاكس-قا سىلتەپ. 

«ددۇ B. 1.1.529 شتاممىن «الاڭداۋشىلىق تۋدىراتىن نۇسقا» دەپ تانىدى، ول «وميكرون» دەپ اتالدى»، - دەپ جازىلعان حالىقارالىق ۇيىمنىڭ حابارلاماسىندا. 

بۇل شتاممنىڭ «كوپتەگەن مۋتاسياسى بار» ەكەن. دەگەنمەن ونى قازىرگى پتر تەستىلەرى ارقىلى انىقتاۋعا بولادى.  

ەسكە سالامىز، ددۇ شتاممداردى گەوگرافيالىق بەلگىلەرى بويىنشا اتاماۋدى، ولاردى گرەك ءالفاۆيتىنىڭ ارىپتەرىمەن بەلگىلەۋدى ەنگىزگەن. 

ايتا كەتەيىك، بۇل شتامم وڭتۇستىك افريكا، بوتسۆانا، يزرايل جانە گونكونگقا وڭتۇستىك افريكادان كەلگەن تۋريستەردەن تابىلعان. بەلگيادا دا انىقتالعان. 

جاڭا نۇسقادا 32 مۋتاسيا بار دەلىنەدى. بۇكىل الەم ساراپشىلارى جاڭا شتامم تۋرالى اقپارات جيناپ جاتىر. ءقازىر قولدانىلىپ جۇرگەن covid-19 ۆاكسينالارى ودان قانشالىقتى قورعايدى - مىنە، وسىنى انىقتاۋ باستى مىندەت.