ۇلتتىق حالىق ساناعىنان 8،4 ملن ازامات ءوتتى، دەپ حابارلايدى almaty-akshamy.kz ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنا سىلتەمە جاساپ.
ۇلتتىق حالىق ساناعى باستالعان العاشقى ەكى اپتادا (1-15 قىركۇيەك ارالىعى) ونلاين ساۋالناماعا 3 ملن قازاقستاندىق قاتىسسا، 11 قازان ساعات 10:00-دەگى جاعداي بويىنشا، كورسەتكىش 7 045 196 رەسپوندەنتتى قۇرادى. ولاردىڭ 6 040 911ء-ى sanaq.gov.kz سايتىندا، 700 972 ادام Egov پورتالىندا تىركەلۋ ارقىلى، 303 313 ادام ساناققا اitu قوسىمشاسى ارقىلى قاتىستى.
ونلاين ساناقتان وتكەندەر سانى بويىنشا تۇركىستان وبلىسى الدا. مۇندا 913 074 تۇرعىن ساناقتان وتكەنى جايلى حابارلاما العان. ونلاين ساناقتان وتكەن 746 343 ادام الماتى وبلىسىندا تىركەلگەن. ۇزدىك ۇشتىكتى شىعىس قازاقستان وبلىسى تۇيىندەدى. مۇندا 707 384 ادام ساناق ساۋالدارىنا جاۋاپ بەردى.
ونلاين ساناقتان ءوتۋ كورسەتكىشى بويىنشا ازىرگە سوڭعى ەكى ورىندى ماڭعىستاۋ جانە سولتۇستىك قازاقستان وبلىستارى تۇر. بۇل وڭىرلەردە سايكەسىنشە 215464 جانە 165749 ادام ساۋالناماعا قاتىستى.
ال، جەرگىلىكتى حالىق سانىنا شاققانداعى ساناقتان وتكەندەردىڭ ۇلەسى بويىنشا شىعىس قازاقستان وبلىسى الدا كەلەدى. مۇندا ازاماتتاردىڭ 52% ساۋالدارعا جاۋاپ بەرگەن (1 تامىزداعى جاعداي بويىنشا وڭىردە 1361163 ادام تىركەلگەن). بۇل كورسەتكىش بويىنشا قىزىلوردا وبلىسى ەكىنشى ورىندا تۇر. مۇندا تۇرعىنداردىڭ 51،1% بۇگىنگە دەيىن ساناقتان ونلاين رەجيمدە وتكەن (1 تامىزداعى جاعداي بويىنشا وڭىردە 823052 ادام تىركەلگەن).
ەسكە سالايىق، 1 قازاننان باستاپ ينتەرۆيۋەرلەر ۇيلەردى جاپپاي ارالاۋدى باستاعان ەدى. 10 كۇننىڭ قورىتىندىسى بويىنشا وفلاين ساناقپەن ەلىمىزدىڭ 1 445 204 تۇرعىنى قامتىلعان. ايتا كەتەيىك، ونلاين ساناقتان قازاننىڭ 15-ىنە دەيىن وتۋگە مۇمكىندىك بار.
ونلاين ساناقتان تەك ۇيدە عانا ەمەس، ەل بويىنشا اشىلعان 3 مىڭنان اسا «ساناق بۇرىشتارىندا» وتۋگە بولادى. ولار حالىققا قىزمەت كورسەتۋ ورتالىقتارى، «قازپوچتا» فيليالدارى مەن ساۋدا، ويىن-ساۋىق ورتالىقتارىندا ورنالاسقان.
ونلاين ساناقتان وتپەگەندەر 30 قازانعا دەيىن ينتەرۆيۋەرلەردىڭ ساۋالدارىنا جاۋاپ بەرە الادى. بارلىق ساۋالدار بويىنشا 1446 تەلەفون نومەرىنە حابارلاسۋعا بولادى. قوڭىراۋ شالۋ – تەگىن.