الماتى اكىمى باقىتجان ساعىنتايەۆتىڭ توراعالىعىمەن وتكەن اپتا سايىنعى اپپاراتتىق كەڭەستە الەۋمەتتىك-ەكونوميكالىق دامۋدىڭ ارالىق قورىتىندىلارى، جىلىتۋ ماۋسىمىنىڭ باستالۋى، جەكە سەكتوردىڭ ورتكە قارسى قاۋىپسىزدىگى، حالىق ساناعىنىڭ بارىسى قارالدى، دەپ حابارلايدى almaty-akshamy.kz
الماتى ەكونوميكاسىنىڭ نەگىزگى سالالارىندا اعىمداعى جىلدىڭ 9 ايىنىڭ قورىتىندىسى بويىنشا ەكونوميكالىق ءوسىمنىڭ جوعارى قارقىنى قامتاماسىز ەتىلدى. ماسەلەن، قاڭتار-قىركۇيەكتە قىسقا مەرزىمدى ەكونوميكالىق ينديكاتور 109%-دى قۇرادى. نەگىزگى كاپيتالعا سالىنعان ينۆەستيسيالار كولەمى 752،8 ملرد تەڭگەنى قۇرادى، نكي - 117،8%.
كولىك جانە لوگيستيكا سالاسىنداعى كورسەتىلەتىن قىزمەتتەردىڭ ناقتى كولەم يندەكسى 2020 جىلعى اقپاننان باستاپ العاش رەت وڭ ديناميكانى كورسەتتى جانە اعىمداعى جىلعى قاڭتار-تامىز ايلارىمەن سالىستىرعاندا 2،5%-عا ۇلعايىپ، 101،2%-دى قۇرادى.
ونەركاسىپ سالاسىندا وندىرىلگەن ءونىم كولەمى 1 ترلن تەڭگەدەن استى، نكي 120،1%-دى قۇرادى. بۇل رەتتە ونەركاسىپ ءونىمىن وڭدەۋ سالاسىنداعى نكي 120،7%-دى قۇرادى. سونداي-اق، ەلەكترمەن جابدىقتاۋ جانە ىستىق سۋمەن قامتاماسىز ەتۋ قارقىنىنىڭ 22،1%-عا، نكي-122،1%-عا وسكەنى بايقالادى.
ساۋدا سالاسىنىڭ قالپىنا كەلتىرۋ ءوسىمى جالعاستى. قاڭتار-قىركۇيەكتە بولشەك ساۋدانىڭ نكي 112،6%-دى، كولەمى – 2 ترلن 948،8 ملرد تەڭگەنى قۇرادى. كوتەرمە تاۋار اينالىمىنىڭ نكي-ى 103،2%-دى قۇرادى، ال كولەمى 7،6 ترلن تەڭگە.
بايلانىس قىزمەتتەرىنىڭ كولەمى 13،9% وسىممەن 437 ملرد تەڭگەنى قۇرادى. بۇل ينتەرنەت جەلىسىنە قولجەتكىزۋدى ۇسىنۋ بويىنشا قىزمەتتەر كولەمىنىڭ 16%-عا جانە ۇيالى بايلانىس قىزمەتتەرى كولەمىنىڭ 11،5%-عا وسۋىنە وراي ىسكە استى. توعىز ايدىڭ قورىتىندىسى بويىنشا 52،3 مىڭ جۇمىس ورنى قۇرىلدى، ونىڭ ىشىندە تۇراقتى جۇمىس ورىندارى – 34،7 مىڭ، ۋاقىتشا جۇمىس ورىندارى – 17،6 مىڭ.
الماتى اكىمى ب. ساعىنتايەۆ اتالعان سالالارعا جەتەكشىلىك ەتەتىن ورىنباسارى ءى. وسەروۆكە جانە ستراتەگيا جانە بيۋدجەت باسقارماسىنىڭ باسشىسىنا Nur Otan پارتياسىنىڭ سايلاۋالدى باعدارلاماسىن ورىنداۋ بويىنشا الەۋمەتتىك-ەكونوميكالىق دامۋدىڭ بولجامدى كورسەتكىشتەرىنە، نىسانالى ينديكاتورلارعا جانە جول كارتاسىنا قولجەتكىزۋ ماسەلەسىن باقىلاۋدا ۇستاۋدى تاپسىردى.
جىلۋ بەرۋ ماۋسىمىنىڭ باستالۋى جونىندەگى ماسەلەنى قاراۋ قورىتىندىسى بويىنشا اكىمنىڭ ورىنباسارى م. ازىربايەۆ اۋدان اكىمدەرىمەن، ءتيىستى مەملەكەتتىك ورگاندارمەن جانە قىزمەتتەرمەن بىرلەسىپ، جىلۋ بەرۋ ماۋسىمىنىڭ ءوتۋىن ەرەكشە باقىلاۋدا ۇستاعاندارى ءجون.
ءورت قاۋىپسىزدىگىن قامتاماسىز ەتۋ ماقساتىندا توتەنشە جاعدايلار دەپارتامەنتىنىڭ باسشىسى ر. قاسىمبايەۆقا جەكە تۇرعىن ءۇي سەكتورىن ارالاۋدى جالعاستىرۋ، قاۋىپسىزدىك شارالارى تۋرالى ءتۇسىندىرۋ جۇمىستارىن كۇشەيتۋ تاپسىرىلدى.
قالا اكىمى حالىق ساناعى ماسەلەسى بويىنشا ءتيىستى قىزمەتتەرگە ۇلتتىق بيۋرونىڭ ستاتيستيكا دەپارتامەنتىمەن بىرلەسىپ ساناق ناۋقانىن وتكىزۋ بويىنشا جۇمىستى جانداندىرۋدى تاپسىردى.