جىلدىڭ باسىنان بەرى الماتى قالاسىنىڭ ونكوورتالىعىنان شامامەن 12 مىڭ پاسيەنت ەمدەلىپ شىقتى
ايتا كەتەتىن جايت، قازىرگى ەپيدەميلوگيالىق جاعدايعا قاراماستان، الماتى قالالىق ونكولوگيالىق ورتالىعى الماتى قالاسىنىڭ پاسيەنتتەرىنە ۇزدىكسىز ونكولوگيالىق كومەك كورسەتۋدە. جىل باسىنان بەرى قالانىڭ 2954 تۇرعىندارىنان سوزىلمالى اۋرۋ وسكىندەرى انىقتالعان.
الماتىدا اۋرۋشاڭدىق قۇرىلىمى بويىنشا ءسۇت بەزى قاتەرلى ىسىگى ءبىرىنشى ورىندا، ەكىنشى ورىندا- توق ىشەك قاتەرلى ىسىگى، ءۇشىنشى ورىندا- وكپەنىڭ قاتەرلى ىسىگى، ءتورتىنشى ورىندا- اسقازاننىڭ قاتەرلى ىسىگى، بەسىنشى ورىندا- انالىق جىنىس بەزىنىڭ قاتەرلى ىسىگى.
جۇرگىزىلگەن سكرينينگ بويىنشا، جىل باسىنان بەرى 148 قاتەرلى ىسىك جانە 9304 قاتەرلى ىسىك الدىنداعى احۋالداردىڭ الدى الىندى.
«سكرينينگ جولىمەن انىقتالعان قاتەرلى ىسىكتەر 1-2 اۋرۋشاڭدىق ساتىسىندا ەكەنى ايقىندالدى. مۇنداي جاعدايدا ەم ءتاسىلى ءوزىنىڭ ءتيىمدى اسەرىن كورسەتىپ ناۋقاستىڭ تولىعىمەن ەمدەلىپ شىعۋىنا سەپتىگىن تيگىزبەك. سوندىقتان دا سكرينينگتەن ءوتۋ قاجەت. ونىڭ ەرتە كەزەڭدەگى قاتەرلى ىسىكتى دياگنوستيكالاۋ ارقىلى تولىققاندى ەمدەۋىنە ىقپالى بولۋى ابدەن مۇمكىن. ال تىم كەش انىقتالعانداردى ەمدەۋ قيىنعا تۇسەدى جانە احۋالى ناشارلايدى»، - دەيدى اوو دارىگەرى نۇرسۇلتان ىزماعامبەتوۆ.
جىلدىڭ باسىنان بەرى 2498 كت جانە 368 مرت جاسالىپ، تەلەپاتولوگيانىڭ كومەگىمەن 472 حالىقارالىق كەڭەس بەرىلگەن. ءپاللياتيۆتى كومەك كورسەتۋ بويىنشا 3436 موبيلدىك بريگادا ونكولوگيالىق اۋرۋمەن اۋىراتىنداردى انىقتاعان.
قالا بويىنشا ونكولوگيا ورتالىعى قىزمەتكەرلەرىنىڭ كاسىپتىلىگى جانە كومەك كورسەتۋ ساپاسىنىڭ جوعارى بولعانى، دارىلەرمەن تولىققاندى قامتۋ سەبەپتى، الماتى قالاسىندا شەتەل پاسيەنتتەرىنىڭ قايتا بەكىتىلۋ دەڭگەيى وسۋدە.
«وسىلايشا، بيىلعى جىلدىڭ 8 ايى ىشىندە ەلىمىزدىڭ باسقا اۋماقتارىنان 478 ونكولوگيالىق ناۋقاستار قايتا تىركەلدى (2020 جىلى 338 پاسيەنت قايتا تىركەلدى). وكىنىشكە وراي، 112 پاسيەنت اسقىنعان قاتەرلى ىسىك اۋرۋىمەن كەلگەن، ياعني، ءار بەسىنشى پاسيەنت 3-4 كەزەڭدەگى اۋرۋمەن ەمدەلۋگە كەلگەن. مۇنىڭ بارلىعى اسقىنۋشىلىقتىڭ كورسەتكىشىنە اسەرىن تيگىزىپ، ءولىم سالدارىنا اكەلۋى مۇمكىن. سونداي-اق، قالا بويىنشا ونكولوگيالىق كومەك كورسەتۋدە شىعىن كوبەيەدى»، - دەدى اوو باس دارىگەرى.
وسى جىلى ەمدەلگەن پاسيەنتتەردىڭ سانى وتكەن جىلمەن سالىستىرعاندا 25،7%-عا، 11 812 سانىنا دەيىن ءوستى.
2 مىڭنان استام كۇردەلى وپەراسيا جۇرگىزىلدى. سكرينينگتىڭ كومەگىمەن جانە ونكولوگيالىق ناۋقاستاردى ەرتە دياگنوستيكالاۋدىڭ ۇلعايۋىمەن، سونىمەن قاتار، ەمدەۋمەن قامتۋدى 100%-عا شاققاندا قالادا سوزىلمالى قاتەرلى وسكىندەردەن ولىمگە جەتۋ كورسەتكىشى 10،6%-عا تومەندەدى.
اوو باسپا ءسوز قىزمەتى