«استانا وپەرا» كامەرالىق زالعا قازاقتىڭ بۇلب ۇلى - كۇلاش بايسەيىتوۆانىڭ ەسىمىمەن اتالدى
وسىعان وراي «قازاقتىڭ بۇلب ۇلى» كونسەرتى ءوتتى، دەپ حابارلايدى Almaty-akshamy.kz
بۇگىنگى تاڭدا «استانا وپەرا» كامەرالىق زالى كوپتەگەن مۋزىكانتتار ونەر كورسەتۋگە ۇمتىلاتىن ەلىمىزدىڭ بەدەلدى كونسەرتتىك الاڭىنا اينالدى. زال كلاسسيكالىق مۇرانى ساقتاپ، جاڭارىپ وتىراتىن قازاقستاندىق قوعامنىڭ رۋحاني سۇرانىستارىن ىسكە اسىراتىن قازاق جانە الەمدىك مۋزىكا مادەنيەءتى داستۇرلەرىن كورسەتەدى. اتالعان ساحنادا قازاقستاننىڭ عانا ەمەس، دۇنيە ءجۇزىنىڭ ايگىلى ارتىستەرى ءوز ونەرلەرىن پاش ەتىپ ءجۇر.
«كامەرالىق زالدىڭ كۇلاش بايسەيىتوۆا زالى بوپ اتالۋى - ءبىز ءۇشىن زور قۇرمەت. ول كسرو حالىق ءارتىسى جوعارى اتاعىنىڭ العاشقى يەگەرلەرىنىڭ جانە سول اتاقتى جاس كەزىندە العان تۇلعالاردىڭ ءبىرى. ونىڭ تابيعي مۋزىكالىق دارىنى مەن الەمدىك مۋزىكانىڭ اسىل قازىناسىنا قالدىرعان بەينەلەر شوعىرى ءبىزدىڭ جادىمىزدا. ول سومداعان شۇعانىڭ بەينەسى ءانشىنىڭ شەبەرلىك تۇرعىدان وسكەنىن كورسەتتى، ال ە.گ.برۋسيلوۆسكييدىڭ «قىز-جىبەك» وپەراسىنداعى جىبەكتىڭ پارتياسى انشىگە كلاسسيكالىق وپەرا ونەرىنىڭ شىڭىنا كوتەرىلۋگە جول اشتى»، - دەدى تەاتر ديرەكتورى عالىم احمەدياروۆ.
ءانشىنىڭ قىزى قارلىعاش بايسەيىتوۆا ايگىلى ءانشىنىڭ بالالىق شاعى تۋرالى جىلى ەستەلىكتەرىمەن ءبولىستى، مەيىرىمدى جانە قامقور اناسىنىڭ ارقاسىندا قانداي باقىتتى بولعانى تۋرالى اڭگىمەلەدى. ول ەلوردانىڭ مادەني ءومىرى ءۇشىن «استانا وپەرا» كامەرالىق زالىنىڭ اتى اڭىزعا اينالعان تۇلعا كۇلاش بايسەيىتوۆانىڭ ەسىمىمەن اتالۋى ۇلكەن قۋانىش ەكەنىن اتاپ ءوتتى. قىزى اناسىنىڭ العىس حاتتارىنىڭ بىرنەشە كوشىرمەسىن، سونداي-اق ءانشىنىڭ جەكە مۇراعاتىنان الىنعان فوتوسۋرەتتى تەاتردىڭ ارت-گالەرەياسىنا تاپسىردى. ايتۋلى وقيعاعا وراي تەاتر فويەسىندە كورمە ءوتتى.
كامەرالىق زالدا وسكەلەڭ ۇرپاققا ارنالعان ءتۇرلى باعدارلامالار، سونىڭ ىشىندە جاقىندا مادەنيەت جانە سپورت مينيسترلىگى مەن نۇر-سۇلتان قالاسى اكىمدىگىمەن بىرلەسىپ قۇرىلعان «تەاتر ساباعى» جوباسى جۇزەگە اسىرىلۋدا. 2019 جىلدان بەرى كامەرالىق زالدا «Piccolo تەاترى» نەمەسە «شاعىن تەاتر» جوباسى تانىستىرىلدى، وندا وپەرا-بۋففانىڭ ەكى تۇساۋكەسەرى ءساتتى ءوتتى.