الماتى، اتىراۋ، ماڭعىستاۋ جانە تۇركىستان وبلىستارىندا پەداگوگيكالىق كادرلار قاجەت.
ۇكىمەتتىڭ 16 قىركۇيەكتەگى قاۋلىسىمەن مەملەكەتتىك قىزمەتشىلەرگە، مەملەكەتتىك بيۋدجەت ەسەبىنەن ۇيىمداردىڭ قىزمەتكەرلەرىنە ەڭبەكاقى تولەۋ جۇيەسىنە وزگەرىستەر ەنگىزىلدى، دەپ حابارلايدى Almaty-akshamy.kz
اڭگىمە مۇعالىمدەر تاپشى وڭىرلەرگە جۇمىسقا قابىلدانعان ۇزدىك مۇعالىمدەرگە قوسىمشا اقى بەلگىلەۋ تۋرالى.
وسىلايشا مۇعالىمدەر تاپشى وڭىرلەردەگى ورتا ءبىلىم بەرۋ ۇيىمدارىندا جۇمىس ىستەگەنى ءۇشىن قوسىمشا اقى لاۋازىمدىق جالاقىنىڭ 150%-ى بولادى.
ءبىلىم بەرۋ ۇيىمدارى پەداگوگ قىزمەتكەرلەرىنىڭ لاۋازىمدىق جالاقىسى (تاريفتىك ستاۆكاسى) نەگىزگى لاۋازىمدىق جالاقىسىن (17 697 تەڭگە) اتقاراتىن لاۋازىمىنا جانە ەڭبەك وتىلىنە بايلانىستى بەكىتىلگەن ءتيىستى كوەففيسيەنتتەرگە كوبەيتۋ ارقىلى ايقىندالادى.
ارنايى مەملەكەتتىك باعدارلاما 2022 جىلدىڭ 1 قىركۇيەگىنەن 2027 جىلدىڭ 25 مامىرىنا دەيىن ارەكەت ەتەتىن مۇعالىمدەر تاپشى وڭىرلەردى قولداۋدىڭ ءبىرقاتار شارالارىن قاراستىرادى.
باعدارلامانىڭ ماقساتى – بىلىكتى جانە ىنتالى مۇعالىمدەردى تارتۋ مەن ۇستاپ قالۋدىڭ تۇراقتى مودەلىن قۇرۋ ارقىلى وڭىرلەردەگى ءبىلىم ساپاسىن ارتتىرۋ.