ق ر اۋىل شارۋاشىلىعى ءمينيسترى ۇكىمەت وتىرىسىندا بيىلعى ەگىس جۇمىستارىنا تۇقىم ازىرلەۋ قالاي ۇيىمداستىرىلىپ جاتقانىن باياندادى، دەپ حابارلايدى اlmaty-akshamy.kz
«مەملەكەت باسشىسىنىڭ 2022 جىلعى 16 ناۋرىزداعى قازاقستان حالقىنا جولداۋىندا ايتىلعان تاپسىرمالاردى ورىنداۋ ماقساتىندا اۋىل شارۋاشىلىعى مينيسترلىگى مىناداي شارالار قابىلداۋدا. ەگىس ناۋقانىن ۋاقتىلى جانە ساپالى جۇرگىزۋ ءۇشىن مينيسترلىكتە كوكتەمگى دالا جۇمىستارىنىڭ بارلىق تۋىنداعان پروبلەمالىق ماسەلەلەرىن جەدەل شەشۋگە كۇش سالاتىن جەدەل شتاب قۇرىلىپ، جۇمىس ىستەۋدە»، - دەدى ۆەدومستۆو باسشىسى.
سونداي-اق، ول مينيسترلىك وڭىرلەرمەن بىرلەسىپ اۋىل شارۋاشىلىعى تەحنيكاسىنىڭ، تۇقىم مەن تىڭايتقىشتاردىڭ دايىندىعىن قايتا تەكسەرۋگە كىرىسكەنىن اتاپ ءوتتى.
«قازىرگى تاڭدا تەحنيكا دايىندىعى 95 پايىزدى قۇراسا، كوكتەمگى دالا جۇمىستارى جاپپاي جۇرگىزىلە باستاعان ۋاقىتقا 100 پايىزدى قۇراماق»، - دەگەن مينيستر فەرمەرلەردى ارزاتىلعان جانارمايمەن قامتۋ ماسەلەسىنە توقتالدى.
«وڭىرلەرگە ارزانداتىلعان ديزەل وتىنى جونەلتىلە باستادى. جالپى كوكتەمگى دالا جۇمىستارىن جۇرگىزۋگە نارىقتىق باعادان 12-15%-عا تومەن باعامەن 400 مىڭ توننا ءبولىندى. بۇل 2021 جىلمەن سالىستىرعاندا 20 مىڭ تونناعا كوپ. 2،3 ملن توننا تۇقىم نەمەسە جوسپاردىڭ 100 پايىزى قۇيىلدى. قازىرگى ۋاقىتتا يمپورتتىق تۇقىم ماتەريالىن جەتكىزۋ ماسەلەسى پىسىقتالۋدا. بۇلار – رەسەيدەن كەلەتىن 19،5 مىڭ توننا جۇگەرى، بيداي، ارپا جانە قارا بيداي تۇقىمى جانە ەۋروپادان جەتكىزىلەتىن 80 توننا جۇگەرى مەن قانت قىزىلشاسىنىڭ تۇقىمى»، - دەدى ەربول قاراشوكەيەۆ.