كونستيتۋسياعا ەنگىزىلەتىن وزگەرىستەر اتالدى

زاڭ جوباسى 2022 جىلعى ساۋىردە ازىرلەنەدى.

ادىلەت ءمينيسترى قانات مۋسين بۇگىن ۇكىمەت وتىرىسىندا كونستيتۋسياعا ەنگىزىلەتىن وزگەرىستەردى ايتتى، دەپ حابارلايدى Almaty-akshamy.kz

وزگەرىستەر:

- پرەزيدەنت وكىلەتتىگى؛

- ونىڭ لاۋازىمدا بولۋىنا بايلانىستى شەكتەۋلەر؛

- ورتالىق سايلاۋ كوميسسياسىنىڭ، ەسەپ كوميتەتىنىڭ، كونستيتۋسيالىق كەڭەستىڭ ءتوراعالارى مەن مۇشەلەرىنىڭ ساياسي پارتيالاردان شىعۋى؛

- پارلامەنت سەناتى مەن ءماجىلىسىن قالىپتاستىرۋ ءتارتىبى جانە ونىڭ فۋنكسيالارى،

- رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىن جوعارى اۋديتورلىق پالاتاعا قايتا قۇرۋ؛

- ءماسليحاتتاردى قالىپتاستىرۋ ءتارتىبى؛

- ازاماتتاردىڭ، باس پروكۋروردىڭ جانە ادام قۇقىقتارى جونىندەگى ۋاكىلدىڭ دە ءوتىنىش جاساۋىنا مۇمكىندىك بەرە وتىرىپ، كونستيتۋسيالىق سوت قۇرۋ؛

- ءولىم جازاسىن جويۋ تۋرالى شەشىمدى كونستيتۋسيادا بەكىتۋ ماسەلەلەرى بويىنشا وزگەرىستەر ەنگىزۋ.

«زاڭ جوباسى 2022 جىلعى ساۋىردە ازىرلەنەدى دەپ جوسپارلانىپ وتىر»، - دەدى مينيستر.

بۇدان بولەك كونستيتۋسيالىق زاڭدارعا جانە باسقا زاڭدارعا مىناداي وزگەرىستەر ەنگىزىلەدى:

- اكىمدەر مەن ولاردىڭ ورىنباسارلارىنا پارتيا فيليالدارىندا قىزمەت اتقارۋعا تىيىم سالۋ؛

- پارلامەنت سەناتى مەن ءماجىلىسىن قالىپتاستىرۋ ءتارتىبى جانە ونىڭ فۋنكسيالارى،

- كونستيتۋسيالىق كەڭەستىڭ جانە جوعارى سوت كەڭەسىنىڭ ءتوراعالارى قىزمەتىنە كانديداتۋرالاردى كەلىسۋ؛

- جوعارى اۋديتورلىق پالاتا قۇرۋ تۋرالى؛

- ءماسليحاتتاردى قالىپتاستىرۋ ءتارتىبى مەن ولاردىڭ فۋنكسيالارى؛

 - ساياسي پارتيالاردى تىركەۋ ءراسىمىن وڭايلاتۋ؛

 - پروكۋراتۋرا مەن ادام قۇقىقتارى جونىندەگى ۋاكىل قىزمەتىنىڭ ماسەلەلەرى بويىنشا؛

- سايلاۋ پروسەسىن جەتىلدىرۋ؛

 - القابيلەر سوتىنىڭ قاتىسۋىمەن ىستەر ساناتتارىن كەڭەيتۋ؛

- بۇقارالىق اقپارات قۇرالدارى تۋرالى زاڭدى قايتا قاراۋ؛

- جەرگىلىكتى ءوزىن-وزى باسقارۋ ماسەلەلەرى بويىنشا وزگەرىستەر ەنگىزۋ.

«بۇل بويىنشا 2022 جىلعى تامىزدا زاڭ جوباسى ازىرلەنەدى دەپ جوسپارلانىپ وتىر»، - دەدى مينيستر.