پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا الداعى جىلۋ بەرۋ ماۋسىمىندا ينجەنەرلىك جەلىلەر مەن اۆتونومدى قازاندىقتاردىڭ دايىندىعى ماسەلەسى قارالدى. ونەركاسىپ جانە قۇرىلىس ءمينيسترى قانات شارلاپايەۆ بايانداما جاسادى، دەپ حابارلايدى aqshamnews.kz
ول قازاقستاندا جىلۋ بەرۋ ماۋسىمىنا 12 مىڭنان استام اۆتونومدى قازاندىق دايىندالعانىن حابارلادى. سونداي-اق ولاردىڭ قاجەتتىلىگى ءۇشىن ديزەل وتىنى، مازۋت جانە كومىر جەتكىلىكتى مولشەردە دايىندالعان.
بيىل 161 كم جىلۋ جەلىلەرىن جاڭعىرتۋعا رەسپۋبليكالىق بيۋدجەتتەن 93 ملرد تەڭگە قاراستىرىلعان. 104 كم جەلىنى نىسانالى ترانسفەرتتەر ەسەبىنەن جاڭارتۋ جوسپارلانعان، 57 كم جەلىنى قالپىنا كەلتىرۋگە ۇكىمەت رەزەرۆىنەن اقشا بولىنەدى. ينۆەستيسيالىق باعدارلامالار بويىنشا 69 كم جىلۋ جەلىلەرىن جوندەۋ جوسپارلانۋدا.
سونىمەن قاتار جەرگىلىكتى اتقارۋشى ورگاندار قارجىلاندىرۋ جوسپارىنا سايكەس وسى جىلدىڭ ءساۋىر ايىنان باستاپ 93 ملرد تەڭگەدەن 72 ملرد تەڭگە نەمەسە 78%-ىن اۋدارعان. جىلۋمەن جابدىقتاۋدىڭ جوسپارلانعان 64 جوباسى بويىنشا 159 كم جەلى توسەلدى.
ينجەنەرلىك ينفراقۇرىلىمدى جوسپارلى جوندەۋ شەڭبەرىندە وڭىرلەردە كەلەسىدەي جۇمىستار جۇرگىزىلدى:
- 536 كم جىلۋمەن جابدىقتاۋ جەلىلەرى جوندەلدى نەمەسە جوسپاردىڭ 99%
- 1025 كم سۋمەن جابدىقتاۋ جەلىلەرى نەمەسە 90%؛
- سۋ بۇرۋ بويىنشا 159 كم نەمەسە 98% جوندەلدى.