بۇعان اۋىل شارۋاشىلىعى، مۇناي سەرۆيستىك قىزمەتتەر، توقىما ونەركاسىبى، تۋريزم جانە IT سياقتى سەكتورلاردى قامتيتىن 50-دەن استام قازاقستاندىق كاسىپورىن قاتىستى.
فورۋمدا ساۋدا جانە ينتەگراسيا ءمينيسترى ارمان شاققالييەۆ يتاليا قازاقستان ءۇشىن ەۋروپالىق وداقتاعى نەگىزگى ساۋدا سەرىكتەستەرىنىڭ ءبىرى ەكەنىن، تاۋار اينالىمى بويىنشا ۇزدىك ۇشتىككە كىرەتىنىن اتاپ ءوتتى. سونىمەن قاتار بىرلەسكەن كاسىپورىنداردا وندىرىلگەن ءونىمدى ىلگەرىلەتىپ، تاۋارلاردىڭ حالىقارالىق نارىقتاعى پوزيسياسىن كۇشەيتەتىن «Made with Italy» تۇجىرىمداماسىن ەنگىزۋدى ۇسىندى. «Made in Italy» ۆيسە-مينيسترى ۆالەنتينو ۆالەنتيني ۇسىنىستى قولداپ، ەكى ەلدەگى شاعىن جانە ورتا بيزنەستىڭ دامۋىن ىنتالاندىراتىنىن ايتتى. بۇل قازاقستان-يتاليا قارىم-قاتىناسىن نىعايتۋداعى ماڭىزدى قادام بولماق.