ءوڭىر اكىمدىكتەرى تالاپكەرلەرگە قانشا گرانت ءبولدى؟

بيىل وڭىرلەردەگى سۇرانىسقا يە ماماندىقتارعا 2،5 مىڭعا جۋىق اكىمدىك گرانتى ءبولىندى.

پەداگوگيكا مەن مەديسينا ماماندىقتارىنا باسىمدىق بەرىلگەن، دەپ حابارلايدى Almaty-akshamy.kz.

Qazaqstan.tv اقاپاراتى بويىنشا، گرانت سانى بويىنشا استانا قالاسى كوش باستاپ تۇر. اكىمدىك تالاپكەرلەرگە 1 068 گرانت ءبولدى. شىعىس قازاقستان وبلىسى 270، اباي وبلىسى 200 گرانت قاراستىرىپ وتىر. العاشقى بەستىكتى 175 گرانتپەن ماڭعىستاۋ جانە 160 گرانتپەن اقمولا وبلىستارى قورىتىندىلايدى.

الماتى مەن شىمكەنت قالاسى، قىزىلوردا، تۇركىستان جانە پاۆلودار وبلىستارىنىڭ اكىمدىكتەرى بيىل گرانت بولگەن جوق. ايتا كەتەيىك، قۇجاتتار جوعارى وقۋ ورىندارىنىڭ قابىلداۋ كوميسسياسىندا قابىلدانادى. اكىمدىك گرانتىنا ءوتىنىش بەرۋ مەن كونكۋرس قورىتىندىسىن شىعارۋ مەرزىمىن ءار ءوڭىر ءوزى بەكىتەدى.

استانا – 1 068

شقو – 270

اباي وبلىسى – 200

ماڭعىستاۋ وبلىسى – 175

اقمولا وبلىسى – 160

جەتىسۋ وبلىسى – 100

الماتى وبلىسى – 95

ۇلىتاۋ وبلىسى – 90

بقو – 86

اتىراۋ وبلىسى – 80

جامبىل وبلىسى – 55

اقتوبە وبلىسى – 38

قاراعاندى وبلىسى – 20

سقو – 18

قوستاناي وبلىسى - 15