الماتى مەتروپوليتەنىنىڭ «ماسكەۋ» بەكەتىندە قازاقستاننىڭ حالىق ءارتىسى بيكەن ريموۆانىڭ 100-جىلدىق مەرەيتويىنا وراي «ونەرمەن ورىلگەن عۇمىر» اتتى شىعارماشىلىق كورمەسى ءوتتى.
اتالمىش ءىس-شارانى ق ر مادەنيەت جانە سپورت مينيسترلىگىنىڭ جانە حالىقارالىق «تۇركسوي» مادەني ۇيىمىنىڭ قولداۋىمەن جەتىسۋ وبلىسىنىڭ مادەنيەت، ارحيۆتەر جانە قۇجاتتاما باسقارماسىنا قاراستى ب.ريموۆا اتىنداعى تالدىقورعان دراما تەاترى ۇيىمداستىردى.
كورمەدە اكتريسانىڭ ساحنادا كيگەن كوستيۋمدەرى، ءوزى تىككەن كويلەكتەرى مەن سومكەلەرى، پايدالانعان جەكە زاتتارى مەن ەكسپوناتتارى، مەدالدەرى، فوتوسۋرەتتەرى قويىلدى.
شىعارماشىلىق كورمەگە بيكەن ريموۆانىڭ زامانداستارى، ساحناداعى ارىپتەستەرى جانە تەاتر ونەرىنىڭ مايتالماندارى مەن زيالى قاۋىم وكىلدەرى قوناق بولدى.
