ەلىمىزدىڭ وندىرىستىك سالاسىنان بىلىكتى كادرلاردىڭ كەتۋى بايقالادى.
وسى ماسەلەنى شەشۋ ءۇشىن Respublica فراكسياسى "ونەركاسىپتىك يپوتەكانى" ازىرلەۋدى ۇسىنىپ وتىر، دەپ حابارلايدى Almaty-akshamy.kz
بۇل سالادا 590 مىڭ ادام جۇمىس ىستەيدى. سالا قىزمەتكەرلەرىنىڭ ورتاشا جالاقىسى 415 مىڭ تەڭگە. پارلامەنت ءماجىلىسىنىڭ جالپى وتىرىسىندا Respublica پارتياسىنىڭ تەڭ ءتوراعاسى، ءماجىلىس دەپۋتاتى دينارا شۇكىجانوۆا ق ر پرەمەر-مينيسترىنىڭ ءبىرىنشى ورىنباسارى رومان سكلياردىڭ اتىنا ەكونوميكانىڭ وڭدەۋشى سەكتورىنداعى كادر تاپشىلىعى ماسەلەسى بويىنشا دەپۋتاتتىق ساۋال جولدادى.
"مەملەكەت باسشىسى وڭدەۋ ونەركاسىبىن ۇدەمەلى دامىتۋدىڭ جانە ونىڭ ىشكى جالپى ءونىم قۇرىلىمىنداعى ۇلەسىن ارتتىرۋدىڭ ماڭىزى تۋرالى بىرنەشە رەت ايتتى. ءقازىر ونىڭ ۇلەسى 13،4% بولدى. بۇل رەتتە سالادا بىلىكتى كادرلاردىڭ ساۋدا، قۇرىلىس، تاۋ-كەن ونەركاسىبى سياقتى باسقا سالالارعا كەتۋى پروبلەماسى بار. ونىڭ سەبەبى – باسەكەگە قابىلەتسىز جالاقى. تاپشىلىق جۇمىسشىلاردان ينجەنەرلەرگە دەيىن بارلىق دەڭگەيدە بايقالادى"، - دەدى دەپۋتات.
پارتيانىڭ دەرەگىنشە، وڭدەۋ سەكتورىنداعى جۇمىسشىلاردىڭ ورتاشا جالاقىسى – 415 مىڭ تەڭگە. بۇل باسقا سالالارمەن سالىستىرعاندا تومەن. مىسالى، تاۋ-كەن ونەركاسىبىندە ورتاشا جالاقى 757 مىڭ، اقپارات جانە كوممۋنيكاسيا سالاسىندا – 530 مىڭ، قۇرىلىستا – 484 مىڭ، كولىك پەن قويمادا – 474 مىڭ تەڭگە.
دينارا شۇكىجانوۆا كادرلاردىڭ كەتۋىنە جەكە باسپانا الۋ ءۇشىن كوبىرەك تابىس تابۋعا ۇمتىلۋ باستى سەبەپ ەكەنىن ايتتى. بيزنەس باسپاناعا دەگەن سۇرانىستى ءوز بەتىنشە قامتاماسىز ەتە المايدى.
"كادرلاردىڭ باسقا سالالارعا كەتۋى ماسەلەسىن شەشۋ، ادامداردىڭ وندىرىستە جۇمىسىن جالعاستىرۋعا دەگەن قىزىعۋشىلىعىن ارتتىرۋ ماقساتىندا ءبىز وڭدەۋشى "اسكەري باسپانا" يپوتەكاسى سياقتى ونەركاسىپ قىزمەتكەرلەرىنە 6% مولشەرلەمەمەن جانە تۇرعىن ءۇي قۇنىنىڭ 15%-ىنان باستاپقى جارنامەن جەڭىلدەتىلگەن باعدارلاما ازىرلەۋدى ۇسىنامىز"، - دەدى دەپۋتات.
سونىمەن قاتار الەۋمەتتىك شيەلەنىستى جەڭىلدەتۋ جانە ازاماتتاردىڭ تۇرمىس جاعدايىن جاقسارتۋ ماقساتىندا پارتيا فراكسياسى حالىقتىڭ بارلىق ساناتى ءۇشىن "وتباسى بانكى" اق-نان ەسەپتىك قۇنى نولگە تەڭ ارالىق نەسيە الۋدىڭ بۇرىنعى شارتتارىن قايتارۋدى ۇسىنادى.