جۇزدەگەن جارىق دەكوراتيۆتى كونسترۋكسيالار، ۇزىن - سونار جارقىراعان گيرلياندالار، 60 – تان استام جاساندى شىرشالار، جارىق يلليۋميناسيالارىن ءىلۋ-وسىنىڭ بارلىعى الماتىنى جاڭا 2024 جىلدىڭ قارساڭىندا بەزەندىرەدى.
بيىكتىگى 20 مەتر بولاتىن باس شىرشا اباي الاڭىندا ورناتىلدى، شىرشانىڭ شامدارىن جاعۋ ءراسىمى بۇگىن (20 جەلتوقسان) ساعات 19:00-دە وتەدى. سالتاناتتى ءىس - شارا قازاقستاندىق ەسترادا جۇلدىزدارى - روزا رىمبايەۆا، ءمادينا ءسادۋاقاسوۆا، ءالي وقاپوۆ، ءمادي رىمبايەۆ، «جىگىتتەر»، «كەشيۋ»، «رينگو»، «شاميس» جانە ت. ب. توپتاردىڭ قاتىسۋىمەن كونسەرتتىك باعدارلاماعا جالعاسادى.
جاڭا جىلدىق شىرشالار ءار اۋداننىڭ نەگىزگى الاڭدارىندا ورناتىلعان: المالى اۋدانى – «استانا» الاڭى، اباي اتىنداعى قازۇتزۋ الدىنداعى الاڭ، الاتاۋ اۋدانى – «الماتى ارەنا» مۇز ايدىنى الدىنداعى الاڭ، اۋەزوۆ اۋدانى-ن. ساس اتىنداعى جاسوسپىرىمدەر تەاترى الدىنداعى الاڭ، بوستاندىق اۋدانى – تۇڭعىش پرەزيدەنت اتىنداعى ساياباق، بالۋان شولاق اتىنداعى سپورت سارايى، جەتىسۋ اۋدانى – سەرىكوۆ كوشەسى، 2ا، مەدەۋ اۋدانى – «حالىق ارەنا» مس الدىنداعى الاڭ، «مەدەۋ» بيىك تاۋلى سپورت كەشەنى، تۇركسىب اۋدانى – سەيفۋللين داڭعىلى بويىنداعى №6 وقۋشىلار ءۇيى، ناۋرىزباي اۋدانى – شۇعىلا ش/ا، 347. سونداي – اق، قالانىڭ قوعامدىق كەڭىستىگى، جاياۋ جۇرگىنشىلەر كوشەلەرى-پانفيلوۆ، جىبەك جولى، ماگيسترالدىق كوشەلەر: ساتبايەۆ كوشەسى، تولە بي كوشەسى، مايلين كوشەسى، نازاربايەۆ داڭعىلى، ءال-فارابي داڭعىلى، ابىلاي حان داڭعىلى جانە ت. ب. جارىق كومپوزيسيالارىنىڭ ءبىرىڭعاي ستيلىندە بەزەندىرىلگەن.
31 جەلتوقساندا جاڭا جىل قارساڭىندا «استانا» الاڭىندا قازاقستاندىق ەسترادا جۇلدىزدارىنىڭ قاتىسۋىمەن كونسەرت وتكىزۋ جوسپارلانۋدا، ونىڭ سوڭى مەرەكەلىك وتشاشۋعا ۇلاسادى.
بۇدان باسقا، مەگاپوليستىڭ تۇرعىندارى مەن قوناقتارى ءۇشىن قالانىڭ بارلىق اۋداندارىن قامتيتىن جاڭا جىلدىق فەستيۆال ۇيىمداستىرىلادى. فەستيۆال باعدارلاماسىندا حالىقتىق كاراوكە، بي فلەشموبى، بايقاۋلار، سپەكتاكلدەر، ەسترادا جۇلدىزدارىنىڭ قاتىسۋىمەن جاندى مۋزىكا، حاسكيمەن فوتوسەسسيالار، شەبەرلىك سىنىپتارى مەن كورمەلەر، قالالىق مەيرامحانالار جانە كافەلەردىڭ گاسترو- كورنەرلەرى (21-31 جەلتوقسان ارالىعىندا اباي جانە «استانا» الاڭدارى ساعات 16:00-دەن 21:00-گە دەيىن، 27-31 جەلتوقسان ارالىعىندا ءار اۋداننىڭ نەگىزگى الاڭدارىندا ساعات 16:00-دەن 21: 00-گە دەيىن) بولادى جانە 25 جەلتوقساندا اياز اتالار شەرۋى وتەدى.