2025 جىلعى 18 مامىردا ءابىلحان قاستەيەۆ اتىنداعى ق ر مەملەكەتتىك ونەر مۋزەيىندە حالىقارالىق مۋزەي كۇنىنە وراي جىل سايىن وتەتىن ءداستۇرلى «مۋزەي ءتۇنى - 2025» مادەني-بىلىم بەرۋ اكسياسى، ساعات 14:00-00:00 ۇيىمداستىرىلادى. بيىلعى ءىس-شارا ۇلت ونەرىنىڭ قاراشاڭىراعى سانالاتىن مۋزەيدىڭ 90 جىلدىق مەرەيتويى اياسىندا وتەدى. بۇل تۋرالى جوبا جەتەكشىسى ايگەرىم كوپجۇرسىن وڭىرلىك كوممۋنيكاسيالار قىزمەتىنىڭ ءباسپاسوز-ماسليحاتىندا اتاپ ءوتتى.
كەشتىڭ تاقىرىبى — «وزگەرمەلى الەمدەگى ءداستۇر مەن زاماناۋيلىق». ءىس-شارانىڭ ستيليستيكالىق باعىتى — ۆينتاج ەستەتيكاسى.
باعدارلاما ەكى بولىمنەن تۇرادى:
بالالارعا ارنالعان «مۋزەي كۇنى»: بۇل ۋاقىت ارالىعىندا كىشكەنتاي قوناقتار مەن وتباسىلار ءۇشىن شەبەرلىك ساعاتتارى، «ارت- شەبەرحانامەن» پلەنەر، كۆەست-ويىندار ۇيىمداستىرىلادى.
• «مۋزەي ءتۇنى» باعدارلاماسى: كەلۋشىلەر نازارىن تەاترلاندىرىلعان مۋزىكالىق جانە بي كورىنىستەرى، پەرفورمانستار، اۆتورلىق ەكسكۋرسيالار، لەكسيالار مەن ەرەكشە توسىنسىيلار كۇتەدى.
ءىس-شارا باعدارلاماسىنا مىنالار كىرەدى:
مۋزەي اۋلاسىندا شەبەرلەر جارمەڭكەسى، «ارت-شەبەرحانا» بەينەلەۋ ستۋدياسىنىڭ بالالارعا ارنالعان پلەنەرى، تاقىرىپتىق شەبەرلىك ساباقتارى جۇرگىزىلەدى.
16:00-دە مۋزەي قورىنان «ماڭگىلىك مۇرا - ۋاقىتپەن ۇندەسكەن ونەر» كورمەسىنىڭ اشىلۋى جانە «قازاقستاننىڭ ساندىك-قولدانبالى ونەرى» كاتالوگىنىڭ تۇساۋكەسەرى وتەدى. سونىمەن قاتار، كورمە اياسىندا ساعات 17:00-دەن باستاپ قازاق جانە ورىس تىلدەرىندە ەكسكۋرسيا جۇرگىزىلەدى.
مەرەكەلىك ءىس-شارا بارىسىندا بالالار مەن جاسوسپىرىمدەرگە ارنالعان تانىمدىق جانە ينتەراكتيۆتى «ونەر اگەنتى: كەسكىندەر پاتشالىعىنداعى قۇپيا حابار» كۆەست ويىنى جۇرگىزىلەدى.
مۋزەيىمىزدىڭ 90-جىلدىق مەرەيتويى قارساڭىندا وتكىزىلىپ جاتقان «مۋزەي ءتۇنى-2025» باعدارلاماسى اياسىندا ساعات 18:00-دە ەلىمىزدىڭ اعا بۋىن ونەرتانۋشىلارى مۇقاجانوۆا كۋلجازيرا - ونەرتانۋشى، ق ر ەڭبەك سىڭىرگەن ونەر قايراتكەرى، AICA قازاقستان ۇلتتىق بولىمشەسىنىڭ پرەزيدەنتى، ق ر سو مۇشەسى «ءابىلحان قاستەيەۆ شىعارماشىلىعى»؛ نۋرفەيزوۆا نۇرجامال - ونەرتانۋشى، ق ر مادەنيەت سالاسىنىڭ ۇزدىگى «قازاقستان ساندىك-قولدانبالى ونەرى»؛ كيم ەليزاۆەتا - ونەرتانۋشى، ق ر مادەنيەت سالاسىنىڭ ۇزدىگى، حالىقارالىق سىنشىلار مەن ونەرتانۋشىلار قاۋىمداستىعىنىڭ (AICA) مۇشەسى، ق ر سو مۇشەسى «حح عاسىرداعى شەت ەل ونەرى»؛ لي كاميللا - ونەرتانۋشى، ق ر ەڭبەك سىڭىرگەن ونەر قايراتكەرى، حالىقارالىق سىنشىلار مەن ونەرتانۋشىلار قاۋىمداستىعىنىڭ (AICA) مۇشەسى، ق ر سو مۇشەسى «1960جىلعى قازاقستان بەينەلەۋ ونەرى» بويىنشا «سىرلى سۇحبات» اتتى ەركىن فورماتتاعى اڭگىمە-سۇحبات ەكسكۋرسياسى ۇيىمداستىرىلادى.
19:00-00:00 ارالىعىندا كونسەرتتىك باعدارلاما باستالادى:كلاسسيكالىق مۋزىكا، حورەوگرافيا، پەرفورمانس، ساحنالىق كورسەتىلىم كىرەدى. ايتالىق: «Choir pop» - پ.ي. چايكوۆسكيي اتىنداعى امك ستۋدەنتتەرىنىڭ ەسترادالىق حورى، «Dolce» كۆارتەتىنىڭ كامەرالىق كومپوزيسيالارى، پانتوميما تەاترى، SUBANDALA – ەتنو ءانشى ۆەنەرا ۋرازبەكوۆانىڭ مۋزىكالىق باعدارلاماسى، «ساقتالعان سۇلبا» پەرفورمانس، «SANTAS FLORES DEL ALMA» فلامەنكو بي توبى، ديريجەر جانە دجاز ءانشىسى يلياس ديۋيسەننىڭ مۋزىكالىق باعدارلاماسى، «شىراق اۋەن» كۆارتەتى جانە TeslaArtLab جارىق شوۋى «دۇربەلەن» - ۇلتتىق اڭىزداردىڭ ەجەلگى تامىرى بار زاماناۋي قويىلىمىمەن قاتىسادى.
«مۋزەي ءتۇنى-2025» – بۇل ۇلتتىق ونەر مەن زاماناۋي مادەنيەتتىڭ ۇيلەسىم تاپقان كەشى، وتكەنگە تاعزىم مەن كەلەشەككە كوزقاراس، كورەرمەن مەن ونەر اراسىنداعى جاڭا بايلانىس الاڭى. بۇل كۇنى مۋزەي قوناقتارى ءۇشىن حالىقارالىق كورمەلەردەن باسقا (ورال تاڭسىقبايەۆتىڭ كورمەسى عانا اقىلى) كىرۋ تەگىن بولادى.