جارىستا 28 ونەر ادامى بوز كىلەمگە شىقتى
قازاق كۇرەسىن دامىتۋعا باعىتتالعان شارا تاۋەلسىزدىكتىڭ 30 جىلدىعىنا ارنايى ۇيىمداستىرىلعان، دەپ حابارلايدى Almaty-akshamy.kz.
وعان ەلىمىزگە تانىمال ونەر ادامدارى مەن عالامتور جۇلدىزدارى قاتىستى. مەگا جوبانى «حابار» اگەنتتىگى بيىل دا قالىڭ كورەرمەنگە ۇسىنىپ، تىكەلەي ەفيردە كورسەتتى.
«ونەر بارىسى» 2019 جىلدان بەرى وسىمەن 3ء-شى مارتە ءوتىپ وتىر. مەگا جوبا از ۋاقىت ىشىندە كورەرمەننىڭ زور ىقىلاسىنا بولەنىپ، ءتىپتى ق ر «قازاق كۇرەسى» فەدەراسياسىنىڭ كۇنتىزبەسىنە ەنگىزىلگەن. بيىلعى شارا تاراز قالاسىنداعى جاقسىلىق ۇشكەمپىروۆ اتىنداعى سپورت سارايىندا ۇيىمداستىرىلدى.
جارىستا 28 ونەر ادامى بوز كىلەمگە شىعىپ، ءوزارا مىقتىنى انىقتادى. ولاردىڭ اراسىندا ايتىسكەر اقىن، بەلگىلى ازىلكەشتەر، انشىلەر مەن وزگە دە تانىمال تۇلعالار بار. بيىلعى ەرەجەگە سايكەس قاتىسۋشىلار 4 سالماق، ياعني جەڭىل، ورتا، اۋىر جانە اسا اۋىر سالماق بويىنشا ب ا ق سىناپ، فەدەراسيانىڭ كاسىبي تورەشىلەرى تورەلىك ەتتى. بەس ساعاتقا سوزىلعان جارىستا جەڭىل سالماقتا اكتەر اسىلحان تولەپوۆ جەڭىمپاز اتاندى.
«بۇگىن ءۇش دۇركىن چەمپيون اتانىپ، جەڭىسكە جەتىپ جاتىرمىز. شۇكىر. بۇل – ۇستازدارىمنىڭ ارقاسى، سول كىسىلەردىڭ ەڭبەگى. ءوزىم دە وسى جارىسقا ءبىر ايداي ۋاقىت جۇمساپ، جۇيە بويىنشا دايىندالدىم. بۇل جەڭىسىمدى تاۋەلسىزدىگىمىزدىڭ 30 جىلدىعىنا ارنايمىن»، -دەدى «ونەر بارىسىنىڭ» جەڭىمپازى اسىلحان تولەپوۆ.
جۇلدىزدار ايقاسىن تاماشالۋعا كەلگەن حالىق سانىندا ەسەپ جوق. سپورت كەشەنى لىق تولدى. «ونەر بارىسى» جوباسىن «حابار» اگەنتتىگى تەلەكورەرمەن نازارىنا ۇسىنىپ، جارىستى تىكەلەي ەفيردە كورسەتتى.
«حابار» اگەنتتىگى وسىمەن قاتارىنان ءۇشىنشى جىل «ونەر بارىسى» ۇلتتىق جوباسىن قولداپ كەلە جاتىر. نەگە «ۇلتتىق» دەگەن سوزگە باسىمدىق بەرىپ تۇرمىن. ويتكەنى بۇل جوبانىڭ ماقساتى تەك ونەر، مادەنيەت، مەديا، عالامتور جۇلدىزدارىن عانا جارىستىرىپ، شارشى الاڭعا شىعارۋ ەمەس. سونداي-اق وسى جوبا ارقىلى ءبىزدىڭ رۋحانياتىمىزدا، داستۇرىمىزدە ۇلكەن ورنى بار قازاق كۇرەسىن كەڭىنەن ناسيحاتتاۋ»، -دەدى «حابار» اگەنتتىگى» اق باسقارما ءتوراعاسىنىڭ ءبىرىنشى ورىنباسارى رينات كەرتايەۆ.
سونداي-اق جوبا ۇيىمداستىرۋشىسى مەيىرجان الىبەك پىكىر ءبىلدىردى.
«جوبا «تانىمال ەمەس» ادامدى تانىتۋمەن اينالىسپايدى. ءبىزدىڭ جوبا تانىمال ادام ارقىلى قازاق كۇرەسىن دامىتادى. بيىلعى ەرەكشەلىگى – سانىندا. ياعني ءبىز 20 قاتىسۋشىدان اسىرماۋشى ەدىك. بۇل جولى 28 قاتىسۋشىنى شاقىردىق. ونىڭ ىشىندە 50% – بۇرىن قاتىسپاعان جاڭا قاتىسۋشىلار. تاۋەلسىزدىك كۇنى مەرەكەسىنە ورايلاستىرىلعان «ونەر بارىسى» جوعارى دەڭگەيدە ءوتتى. جۇلدە قورى 16 ميلليون تەڭگە. ءوز سالماعىندا جەڭىمپاز بولعان چەمپيونداردىڭ ءارقاسىسى 1 ملن 200 مىڭ تەڭگەدەن يەلەندى. شاراعا قاتىسىپ، جەڭىلىپ قالعان قاتىسۋشىلار دا قۇر الاقان قايتقان جوق. ولارعا 250 مىڭ تەڭگەنىڭ سەرتيفيكاتى تابىس ەتىلدى»، -دەدى ول.